Author

Gilbert Perdez

DWIZ 882

402 LSIs naihatid na sa Iloilo

Nakauwi na rin sa Iloilo ang 402 locally stranded individuals (LSI)’s at tatlong Filipino repatriates mula India at Sri Lanka.

Ayon sa Navy public affairs office chief, Lt. Commander Maria Christina Roxas, naihatid na ng BRP Davao del Sur ang mga Pinoy sa Port San Pedro sa lungsod.

Mula sa Iloilo, tutulak naman ng Cebu ang barko para ihatid ang mahigit dalawang libong kahon ng personal protection equipment (PPE) at iba pang medical supplies sa tanggapan ng Office of Civil Defense sa nabanggit na lugar.

June 24, 2020 0 comment

RONDA PROBINSYA

Security forces sa Cebu dinagdagan

written by Gilbert Perdez

Dinagdagan ng gobyerno ang bilang ng security forces na naka-deploy sa Cebu City matapos isailalim muli sa enhanced community quarantine (ECQ) ang lugar.

Ayon kay Department of the Interior and Local Government (DILG) Eduardo Año, mahalagang maipatupad nang maayos ang quarantine measures sa lungsod kasunod na rin ng pagtaas ng bilang ng kaso ng coronavirus disease 2019 (COVID-19) doon.

Samantala, sampung barangay ang posibleng ilagay sa “hard lockdown” tulad ng Mambaling, Cebu City Jail area, Luz, Labangon, Suba, Kamputhaw, Tejero, Sambag 2, Duljo-Fatima, at Basak San Nicolas.

June 24, 2020 0 comment

NATIONAL NEWS

Canada magdo-donate ng karagdagang C$1.9-M sa Pinas

written by Gilbert Perdez

Magdo-donate ang Canadian government ng karagdagang 1.9 million Canadian dollars o P70.2-M bilang pandemic assistance sa Pilipinas.

Ayon kay Canadian Ambassador to the Philippines Peter MacArthur, bukod pa ito sa 1.18 million Canadian dollars o P44.5-M na inanunsiyo nila nitong Hunyo 10.

Sinabi ni MacArthur na ang donasyon ay bilang dagdag na rin sa kasalukuyang proyekto ng Canada na Enhance Mother/Newborn/Child Health in Remote Areas through Health Care and Community Engagement (EMBRACE).

June 24, 2020 0 comment

INTERNATIONAL NEWS

Pag-atake ng Yemen sa Riyadh kinondena ng Saudi Arabia

written by Gilbert Perdez

Kinondena ng Saudi Arabia ang umano’y pag-atake ng Houthis ng Yemen sa Riyadh gamit ang walong armed drones at tatlong ballistic missiles.

Sa pahayag na inilabas ng state news agency, inilarawan ng Saudi ang paglusob bilang “terroristic acts” na banta sa buhay at kaligtasan ng mga sibilyan.

Sinasabing nagkaroon ng dalawang malalakas na pagsabog sa Riyadh nitong Martes ng madaling araw pero wala namang iniulat na nasaktan o nasirang istraktura.

June 24, 2020 0 comment

ENTERTAINMENT

Bandang “Queen” tampok sa British postage stamps

written by Gilbert Perdez

Ilalagay sa mga British postage stamps ang mga larawan ng veteran rock band na Queen bilang tribute sa 50th anniversary ng bansa.

Ayon sa kanilang drummer na si Roger Taylor, tampok sa isang set ng 13 stamps sa susunod na buwan ang iba’t ibang artwork mula sa mga sikat nilang album covers at mga larawan mula sa kanilang live performances at studio photoshoot noong 1974.

Para naman sa kanilang gitarista na si Brian May, dream come true sa kanya ang mailagay sa stamps ng Britanya matapos ang pamamayagpag nila ng ilang dekada.

June 24, 2020 0 comment

SPORTS

Thirdy Ravena kinuhang import ng Japanese team

written by Gilbert Perdez

Makikipagsapalaran sa Japan si Thirdy Ravena.

Ito’y makaraang pumirma ng kontrata si Ravena sa San-En Neophoenix ng B.League na lumalaban sa Central Conference ng first division ng liga.

Nabatid na nakasama si Ravena sa “Asian Special Slot” rules ng liga kung saan pinapayagan ang bawat team na kumuha ng Asian imports.

Magugunitang naging impresibo ang collegiate career ni Ravena sa Ateneo de Manila University habang kasalukuyan naming naglalaro ang kanyang nakatatandang kapatid na si Kiefer sa NLEX Road Warriors ng PBA.

June 24, 2020 0 comment

INTERNATIONAL NEWS

7 patay sa serye ng pambobomba sa Somalia

written by Gilbert Perdez

Pito ang kumpirmadong nasawi sa serye ng pambobomba sa Somalia sa nakalipas na 24-oras.

Ayon sa security forces, ang unang insidente ay nangyari sa bungad ng bahay ng isang military official sa bayan ng Wanlaweyn malapit sa Mogadishu kung saan apat ang namatay.

Samantala, naganap naman ang isa pang pag-atake sa isang military checkpoint sa bayan ng Bacadweyn sa Galmudug State.

Wala pang umaakong grupo sa mga naturang pambobomba.

June 22, 2020 0 comment

NATIONAL NEWS

Pagpapaigting sa pagtulong ng DTI sa mga MSME ipinanawagan

written by Gilbert Perdez

Nanawagan ang isang senador sa Department of Trade and Industry (DTI) na mas paigtingin pa ang mga hakbang nito para matulungan ang mga maliliit na negosyante.

Ayon kay Senador Sonny Angara, hindi dapat pabayaan ng DTI ang micro, small and medium enterprises (MSME) bunsod ng matinding epekto sa kanila ng coronavirus disease 2019 (COVID-19) pandemic.

Dahil dito, iminungkahi ni Angara ang pagbibigay ng access sa online market para sa maraming maliliit na negosyante, kabilang ang mga nasa indigenous communities.

Giit ni Angara, nahihirapan ang mga magsasaka na ibaba o itawid sa mga merkado ang kani-kanilang mga produkto bunsod ng restrictions na ipinatutupad ng gobyerno.

June 22, 2020 0 comment

HEADLINES NATIONAL NEWS

Labi ng 50 OFWs na namatay sa COVID-19 sa Saudi na ililibing —Roque

written by Gilbert Perdez

Sa Saudi Arabia na ililibing ang mga labi ng 50 Overseas Filipino Workers (OFWs) na nasawi dahil sa coronavirus disease (COVID-19).

Sa isang pahayag, nilinaw ni Presidential Spokesperson Harry Roque na hindi na iuuwi sa bansa ang mga labi ng mga naturang OFWs.

Samantala, sinabi rin ni Labor Secretary Silvestre Bello na bawal ang cremation sa Saudi at hindi kakayaning iuwi ang mga labi ng mga Pinoy sa bansa sa loob ng 72-oras kaya dapat doon na lamang ilibing ang mga ito.

Aabot umano sa 282 ang bilang ng mga kababayan na natin na nasawi sa Saudi dulot ng COVID-19 at iba pang kadahilanan.

June 21, 2020 0 comment

HEADLINES NATIONAL NEWS

15 pasyente na gumaling sa COVID-19 nakalabas na ng ospital sa Pasig

written by Gilbert Perdez

Nakalabas na ng ospital ang 15 pang pasyente na gumaling mula sa coronavirus disease 2019 (COVID-19) sa Pasig City –kasabay ng Father’s Day celebration.

Ayon kay Pasig City Mayor Vico Sotto, ang mga nabanggit na pasyente ay ginamot sa loob ng isang centralized quarantine facility sa Rizal High School.

15 fresh “graduates” from our Centralized Quarantine Facility!#beatCovid19 pic.twitter.com/u4UH6qJYzE

— Vico Sotto (@VicoSotto) June 20, 2020

Bago pinauwi ang mga pasyente, naghanda ang facility staff ng food packs at cakes para sa mga ito.

Sinasabing mula nang magkaroon ng COVID-19 outbreak, pababa nang pababa ang mortality rate sa lungsod habang tumataas naman ang bilang ng mga gumagaling.

June 21, 2020 0 comment

Newer Posts

Older Posts