Umabot na sa mahigit 300,000 ang kaso ng coronavirus disease 2019 (COVID-19) sa Chile.
Gayunman, kumokonti na raw ito kaya balak ng South American country na luwagan ang mga paghihigpit sa iba’t ibang panig ng kanilang bansa.
Ayon kay Health Minister Enrique Paris, sa loob lamang ng isang araw ay nakapagtala sila ng mahigit 2,400 na bagong impeksiyon.
Mariing itinanggi ng aktor na si Johnny Depp na nananakit siya ng asawa.
Sa kanyang depensa sa isang korte sa London, binigyang diin ni Depp na kailanman ay hindi niya sinaktan ang dati niyang misis na si Amber Heard.
Matatandaan na isang artikulo ang lumabas sa isang British tabloid noon pang 2018 kung saan inakusahan si Depp bilang isang “wife-beater.”
Batay sa kasong libelo na isinampa ni Depp laban sa executive editor ng The Sun na si Dan Wootton, nakasira sa kanyang reputasyon ang inilabas na artikulo ni Wootton.
Samantala, idinepensa naman ng mamamahayag na ang isinulat niyang iyon ay ibinase lamang niya sa naging alegasyon naman ni Heard na aniya’y nangyari sa pagitan ng 2013 hanggang May 2016.
Hindi makakalaro sa pagbabalik ng NBA season si Washington Wizards guard Bradley Beal.
Paliwanag ng Wizards, hindi pa kasi lubusang magaling ang injury sa kanang balikat ng number two scorer ng liga.
Samantala, sinabi naman ni Beal na gusto sana niyang tulungan ang team pero mas makabubuti sa lahat kung hindi muna siya lalaro para ihanda ang sarili sa susunod na season.
Sumampa na sa 395 ang mga dinapuan ng COVID-19 sa Western Visayas.
Ayon kay Dr. Jessie Glen Alonsabe, regional epidemiologist ng Department of Health-Center for Health Development Western Visayas o DOH-CHD 6, nakuha nila ang resulta mula sa 393 laboratory results sa rehiyon na isinagawa ng Western Visayas Medical Center sub-national laboratory at Teresita L. Jalandoni Provincial Hospital Molecular Laboratory.
Anim ang bagong nagpositibo na kinabibilangan ng isang health worker, tatlong repatriated overseas Filipino workers (OFW’s), isang locally stranded individual (LSI), at isang residente.
Kasalukuyan nang naka-quarantine ang mga nabanggit na pasyente.
Nakubkob ng mga sundalo ang isang kuta ng Dawlah Islamiya kasunod ng engkuwentro sa Barangay Tamparong, Madalum, Lanao del Sur.
Ayon kay Lt. Col. Franco Rapahel Alano, kumander ng 55th Infantry Battalion ng Philippine Army, nakatanggap sila ng sumbong hinggil sa presensya ng mga hinihinalang terorista na nangre-recruit at namimilit sa mga residente na bumili ng kanilang food items.
Agad na nagtungo roon ang mga tropa ng pamahalaan dahilan upang maganap ang bakbakan kung saan isang kawal ang namatay nang masabugan ng landmine.
Dahil dito, ayon kay 1st Infantry Division commander, Maj. Gen. Generoso Ponio, nagpapatuloy ang military operations laban sa Dawla Isamilya sa kanilang areas of responsibility.
Umakyat na sa 249 ang bilang ng mga tinamaan ng COVID-19 sa Zamboanga City.
Ito’y makaraang makapagtala ng 12 bagong kaso ang local Inter-Agency Task Force (IATF) na kinabibilangan ng anim na locally-stranded individuals (LSI’s), isang kauuwi lamang na Overseas Filipino Worker (OFW), isa mula sa komunidad, at apat na nakasalamuha ng ilang nagpositibo sa sakit.
Muli namang nanawagan ang task force sa publiko na tumalima sa quarantine rules, gayundin sa minimum health standards.
Nagsagawa ng budget forum ang Bangsamoro Autonomous Region in Muslim Mindanao (BARMM) upang ipaliwanag ang mga nararapat na ihanda, prayoridad ng programa, at iba pang usapin.
Sa “2021 Bangsamoro Budget Call”, pinaalalahanan ng Ministry of Finance, Budget, and Management (MFBM) ng BARMM ang lahat ng kanilang sangay at ahensya na planuhin ang kanilang badyet alinsunod na rin sa eight development goals ng Bangsamoro Development Plan (BDP).
Ayon kay BARMM Interim Chief Minister Ahod Balawag Ebrahim, mahalagang maibigay sa taumbayan ang kanilang kailangan base sa kanilang pangangailangan, tamang proseso sa pagbabadyet, tamang paggastos at tiyakin na ito ay maramdaman ng lahat.
Matatandaang pinaboran na ng 80-member Bangsamoro Transition Authority ang BDP para sa 2020 hanggang 2022.
Isa na namang empleyado ng Kongreso ang nagpositibo sa coronavirus disease 2019 (COVID-19).
Bunga nito, ayon kay House Secretary General Jose Luis Montales, umakyat na sa 11 ang mga kawani ng Kamara na tinamaan ng virus.
Sinabi ni Montales na nitong weekend lamang nila nalaman na nagpositibo sa COVID-19 ang nabanggit na empleyado na aniya’y nakatalaga sa Committee on Justice.
Sumakabilang-buhay na ang sikat na Egyptian actress na si Ragaa al-Gedawy matapos tamaan ng coronavirus disease 2019 (COVID-19).
Kinumpirma naman ng actors union ang pagpanaw ng 80 taong gulang na aktres.
Nabatid na noon pang Mayo natuklasan na dinapuan ng COVID-19 ang biktima kaya’t inilagay ito sa isang isolation facility ng ospital sa Ismailia province kung saan ito binawian ng buhay.
Natagpuang patay sa loob ng kanyang bahay sa Canada ang Egyptian LGBT (lesbian, gay, bisexual, transgender) activist na si Sara Hegazy.
Ayon sa ulat, nagpakamatay ang 30-anyos na aktibista at nag-iwan pa ito ng suicide note para sa kanyang pamilya at mga kaibigan.
Bago pinagkalooban ng asylum ng Canada, si Hegazy ay nakulong matapos itaas ang LGBT rainbow flag sa isang concert Egypt noong October 2017.