Nasungkit ni American tennis superstar Serena Williams ang kanyang buena manong panalo ngayong taon sa Auckland women’s tennis association classic.
Tinalo ni Williams si Camila Giordi sa iskor na 6-3 at 6-2.
Ikanatuwa pa ng ni Williams na nagawa pa niyang talunin si Giorgi na mas bata sa kanya ng sampung taon.
Mahalaga aniya ang nasabing panalo para sa pagsabak niya sa australian open sa huling linggo ng buwang ito.
Siniguro ng gobyerno na sapat ang pondo nito para tugunan ang repatriation ng mga Pilipino sa Middle East sakaling mas tumindi pa ang kaguluhan.
Ayon kay Budget Assistant Secretary Rolando Toledo, mayroong 1.8 billion repatriation fund sa ilalim ng 2020 national budget.
Bukod pa aniya ito sa 13 billion na contigency fund na maaring magamit sakaling kulangin ang inilaang naunang budget ng DFA at OWWA.
Una nang nag abiso si Pangulong Rodrigo Duterte kay Budget Secretary Carlos Dominguez at sa Kongreso na maghanda na ng emergency fund para sa pag papauwi sa mga Pilipino sa Middle East.
Naghahanda na ang dalawang batalyon ng sundalo na ipadadala sa Middle East sa gitna ng tumitinding tensiyon duon.
Ayon kay Defense Secretary Delfin Lorenzana, isang batalyon ng army at isang marine battalion ang ide-deploy batay na rin sa naging kautusan ni Pangulong Rodrigo Duterte.
Nilinaw naman ni Lorenzana na hindi makikipag bakbakan ang naturang mga sundalo bagkus ay tutulong ang mga ito sa repatriation ng mga Pilipino.
Inaayos na lamang ang logistics at documentation ng mga sundalo pagkatapos ay aalis na ang mga ito sa lalong madaling panahon.
Idineklara na ang state of emergency sa Puerto Rico matapos ang pagtama ng 6.4 na magnitude na lindol sa bansa .
Ayon sa pahayagan na El Nuevo Dia, ipinag-utos na rin ni Puerto Rico Governor Wanda Vazquez ang activation ng national guard.
Aniya, mananatiling sarado ang lahat ng mga pampublikong opisina sa bansa maliban samga emergency services office.
Nakiusap din si Vasquez sa publiko na manatiling kalmado at bigyang pansin ang pangangailangan ng kanilang mga pamilya.
Magugunitang isa ang namatay sa pagtama ng lindol noong Lunes, ika-6 ng Enero.
Iginiit ni United States (US) Secretary of State Mike Pompeo na legal ang ginawang drone attack na pumatay kay Iranian General Qasem Soleimani.
Ayon kay Pompeo, lahat ng aktibidad na kanilang ginagawa ay sumasailalim sa complete legal review.
Aniya, kinokunsulta nila ang mga abogado lalo na sa mga ganitong kalaking desisyon.
Paniniwala pa nito, nagkaroon ng legal vetting bago pa man isagawa ang air strike.
Magugunitang ang pagkamatay ni Soleimani ang naging ugat ng pagtaas pa ng tensyon sa pagitan ng US at Iran.
Binasbasan na ang mga replica ng Itim na poong Nazareno isang araw bago ang taunang Traslacion.
Sa ginanap na prusisyon ng mga replica sa Quezon Boulevard sa Quiapo kahapon, Enero 7, nagkaisa at nagsaya ang mga deboto habang dala ang kani-kanilang mga replica.
Nagmula rin sa iba’t ibang lugar ang mga deboto na dala ang kanilang replica bilang pasasalamat sa poon.
Paalala naman ng pamunuan ng simabahan ng Quiapo, hindi paligsahan ang naturang prusisyon ngunit isa itong paraan para maramdaman ang presensya ng Panginoon.
Muling nagbigay ng paalala ang Philippine Red Cross (PRC) sa mga deboto na dadalo sa Traslacion ngayong taon.
Ayon kay PRC chairman Senador Richard Gordon, mabuting siguraduhing hydrated ang mga lalahok.
Aniya, hydration problem ang karaniwan nilang nakukuhang reklamo sa naturang pista.
Dagdag pa ni Gordon, magtatayo sila ng mga water stations sa ruta ng prusisyon.
Iginiit din ng senador na mas makabubuti kung magdadala ng sariling tubig ang mga deboto.
Sa kabila nito, nakiusap si Gordon na siguruhin na mapapanatili ang kalinisan ng paligid sa Traslacion 2020.
Sinuspinde ng National Capital Region Police Office ang permit to carry firearms sa ilang lugar sa Maynila dahil sa Traslacion.
Ayon kay NCRPO acting director Brigadier General Debold Sinas, kasama ang Quiapo, Sta. Cruz, at Binondo sa mga papatawan ng suspensyon na magdala ng firearms.
Aniya, ito ay para maiwasan ang mga firearms–related injury sa Traslacion.
Samantala, tanging mga miyembro lang ng Philippine National Police (PNP), Armed Forces of the Philippines (AFP), at iba pang law enforcement agencies ang pwedeng magdalawa ng mga fire arms.
Hindi inaprubahan ng Department of Trade and Industry (DTI) ang request para sa pagtataas ng presyo ng ilang mga basic commodities sa merkado.
Una nang nanawagan ang mga manufacturers ng gatas, laundry detergent, canned meats, at ilang pampalasa, ng P0.15 hanggang P2.00 taas presyo.
Ayon kay DTI Undersecretary Ruth Castelo, sa ngayon ay pinag aaralan pa rin nila ang iba pang mga requests na kanilang natanggap.
Aniya, may kamahalan na ang ginagamit na raw products ng ibang mga produkto.
Samantala, siniguro naman ng ahensya na walang paggalaw sa presyo ng mga basic commodities hanggang sa buwan ng Pebrero.
Nagbitiw na sa pwesto ang suspendidong alkalde ng San Fernando City, La Union na si Mayor Hermenegildo “Dong” Gualberto.
Ayon sa pahayag na inilabas ng alkalde, bumaba siya sa pwesto bilang respeto sa naging desisyon ng tanggapan ng ombudsman.
Nilinaw naman ni Gualberto na ang kanyang pagbaba ay hindi nangangahulugan na sang-ayon siya sa naging desisyon ng tanggapan.
Aniya, walang basehan ang umano’y paratang at dadalhin ng kanyang kampo ang kaso sa Korte para sa naaangkop na pagsisiyasat.
Magugunitang pinatawan ng suspension ng Ombudsman ang alkalde dahil sa umano’y maling paggamit ng pondo ng lokal na pamahalaan noong 2019.