DWIZ 882

Dumulog na sa Korte Suprema ang mga senador sa isyu ng pagbasura ng Visiting Forces Agreement (VFA).

Naghain ng petition for declaratory relief and mandamus ang mga abogado ng tanggapan ni Senate President Vicente Sotto III sa katas-taasang Korte.

Dito inihirit ng mga senador na magkaroon ng clarification o paglilinaw mula sa Korte Suprema kung dapat bang may concurrence ng mataas na kapulungan sa abrogation o pagbasura ng treaties o kasunduan ng Pilipinas sa ibang bansa gaya sa Estados Unidos.

Kalakip nito ang senate resolution 337 na una nang inaprubahan ng senado na humihimok sa korte na i-define o linawin ng otoridad ng mataas na kapulungan sa paglusaw sa international agreements.

Isa ang Senate President sa mga petitioner habang si Senate Minority Leader Franklin Drilon naman ang siyang tatayong abogado.

Habang tinukoy naman bilang respondent sina Executive Secretary Salvador Medialdea at Foreign Affairs Teodoro Locsin Jr.

Matatandang ipinag utos ni Pangulong Rodrigo Duterte ang pagbasura sa VFA makaraang kanselahin ng Amerika ang US visa ni Senador Bato Dela Rosa.

Maari nang gamitin ng mga lokal na pamahalaan ang kanilang mga calamity fund para tugunan ang banta ng corona virus disease 2019 (COVID-19).

Kasunod na rin ito ng paglagda ni Pangulong Rodrigo Duterte sa proclamation order number 922 na nagde deklara ng state of public health emergency sa buong Pilipinas.

Ayon Presidential Spokesman Salvador Panelo, binibigyan ng kapangyarihan ng naturang proklamasyon ang mga LGU na magamit ang calamity fund para sa labanan ang COVID-19.

Hindi pa kinakailangang magpatupad ng lockdown kahit pa umabot na sa 20 ang naitalang kaso ng COVID-19 sa bansa.

Ayon kay Health Assistant Secretary Maria Rosario Vergeire, kailangan muna na maitaas ang code red sublevel 2 bago mairekomenda ang pagpapatupad ng lockdown sa ilang lugar.

Aniya, nagdedeklara lamang ng code red sublevel 3 kapag may kumpirmado nang mga kaso ng sustained community transmission.

Sa ngayon ay tanging code red sublevel 1 palamang ang nakataas simula noong Sabado, March 7 matapos na makumpirma na nagkaroon na ng local transmission.

Narito ang listahan ng mga lugar na nagkansela ng klase bukas, Marso 10, 2020 (Martes), dahil sa banta ng coronavirus disease 2019 (COVID-19):

ALL LEVELS

NCR (hanggang March 14)

CALABARZON

Rizal

• Cainta
• Montalban
• San Mateo (hanggang March 13)

Refresh page for more updates.

Nanganganib mawalan ng mahigit sa P90-B kita ang pamahalaan.

Babala ito ng National Economic Development Authority (NEDA) sakaling magtagal hanggang Hunyo ang banta ng coronavirus disease (COVID-19).

Ayon kay NEDA Undersecretary Rosemarie Edillon, tinatayang nasa 1.4 milyon ang mawalang turista ngayong taon dahil sa COVID-19.

Samantala, nasa 30,000 hanggang 50,000 trabaho rin anya ang nanganganib na mawala dahil sa epekto ng COVID-19 sa negosyo.

Ibinaba na ng National Economic Development Authority (NEDA) ang target na paglago ng ekonomiya para ngayong 2020.

Sa harap ito ng banta ng coronavirus disease (COVID-19) na posible umanong maramdaman ng bansa hanggang Hunyo ng taong ito.

Ayon kay NEDA Undersecretary Rosemarie Edillon, inaasahan nila mula 5.5 hanggang 6.5 % gross domestic product ngayong taon.

Mas mabagal ito sa naunang target na 6.5 hanggang 7.5% growth target.

Magtatalaga ng Medical Officer ang Philippine National Police (PNP) upang magbigay ng medical bulletin sa kalagayan nina Major General Mariel Magaway at Major General Jose Maria Ramos.

Ayon kay PNP Chief, General Archie Gamboa, layon nito na maiwasan ang mga ispekulasyon sa tunay na kalagayan ng dalawang heneral.

Sinabi ni Gamboa na sa ngayon ay nananatili sa ICU sina Magaway at Ramos subalit nagpapakita naman sila ng improvement.

 “Kasi ako honestly hindi ko din alam yung medical terms, baka naman iba yung maging interpretation. You know when not all details are provided, it might lead to different conclusion,” ani Gamboa.

Samantala, ipinagpaliban na muna ni Gamboa and mga nakatakda nyang pagbisita sa regional offices ng PNP ngayong linggo dahil naka cast pa ang kanyang kamay.

Itutuloy anya nya ito sa susunod na linggo subalit posibleng hindi na muna sya sasakay ng chopper.

 “…By land but in due time, I will ride the helicopter again, in due time…up until we get clearance to let them fly again,” ani Gamboa.