DWIZ 882

Ipinag-utos na ni Pangulong Rodrigo Duterte ang pagsususpinde ng klase sa lahat ng antas sa buong National Capital Region (NCR) simula ngayong araw hanggang Sabado, Marso 14.

Ayon kay Pangulong Duterte, layunin nitong mapangalagaan at maproteksyunan ang mga kabataan mula sa banta ng coronavirus disease 2019 (COVID-19).

Gayundin aniya ang makabuo ng pamantayan sa mga posibleng madagdag pang bilang ng kaso.

Sa kabila nito iginiit naman ni Pangulong Duterte ang patuloy na pag-aaral ng mga estudyante habang nasa bahay lamang.

Dagdag ng Pangulo, matapos ang Marso 14 magkakaroon muli ng pagpupulong para sa magiging susunod na hakbang ng pamahalaan.

 This day consensus that the by the body that classes we will be suspended and NCR (National Capital Region) lang beginning tomorrow and will end in March 14 mahirap kasi because of the contamination 10 years old is the  same of the virus is very virulent that you know a contact, talking and shaking could place you jeopardy” Ani Duterte

Kinansela na ng Philippine Airlines (PAL) ang biyahe ng kanilang mga eroplano patungo at mula Doha, Qatar.

Sa gitna na rin ito ng ipinatutupad na travel restrictions ng Qatar dahil sa coronavirus disease (COVID-19).

Kabilang sa mga kanseladong biyahe ng pal ang flight pr 684 mula manila patungong Doha at flight pr 685 na mula Doha pabalik ng Manila mula Marso 11 hanggang 15.

Ayon sa PAL, maaaring ipa-rebook mag-avail ng refund ang mga apektadong pasahero hanggang Marso 28.

Hindi na tuloy ang lahat ng aktibidad na may kaugnayan sa Panagbenga Flower Festival 2020 para maiwasan ang pagkalat ng coronavirus disease 2019 (COVID-19).

Kasunod ito ng deklarasyon ni Pangulong Rodrigo Duterte ng state of public health emergency dahil sa COVID-19.

Ayon kay Baguio City Mayor Benjamin Magalong, bukod sa mga aktibidad na may kaugnayan sa Panagbenga ay suspendido na rin ang night market sa kahabaan ng Harrison Road gayundin ang pedestrianization ng session road na ginawa tuwing Linggo.

Sinuspinde na rin ang Cordillera Dministrative Region Athletic Association Sports Meet.

Suspendido na ang pasok ng mga empleyado ng Senado simula ngayong araw dahil sa banta ng COVID-19.

Ayon kay Senator Juan Miguel Zubiri, mananatili ang suspensiyon hanggang 1:00 ng hapon sa Miyerkules.

Sa kabila nito ay magpapatuloy naman ang hearing ng commission on appointments ngunit ang pagdalo ng mga staff ay batay sa magiging discretion ng mga senador.

Maari pa ring isagawa ang mga scheduled hearing ngunit paalala niya sa mga senador ito ay magiging at your own risk.

Mahigpit ding pagbabawalan ang publiko sa pagbisita sa senate premises.

Inirekomenda ng DOH na mag-home quarantine sa halip na sa quarantine facilities magtungo ang mga hinihinalang may sakit o na expose sa COVID-19.

Ayon kay HEALTH ASSISTANT SECRETARY MARIA ROSARIO VERGEIRE, hinihikayat ang mga mild cases na manatili na lamang sa mga tahanan upang maiwasan na mapuno ang mga hospital facilities.

Kasama dito ay ang mayroong mga history of travel sa mga bansang mayroong COVID-19 na mayroong local transmission at mga na – expose o nakasalamuha ng mga nagpositibo sa naturang sakit na nakararamdam ng mild symptoms.

Ngunit ang mga nakararanas naman ng severe o matinding sintomas ng nasabing sakit ay pinapayuhan na magtungo at magpatingin sa mga referral hospitals.

Matatandaang umakyat na sa dalawampu ang kaso ng nag positibo sa COVID-19 sa bansa.

Hindi sinunod ni Pangulong Rodrigo Duterte ang ipinatutupad na ‘no touch policy’ ng Presidential Security Group (PSG) sa gitna ng tumataas na kaso ng coronavirus disease 2019 (COVID-19) sa bansa.

Sa pulong ng inter – agency task force for the management of emerging infectious disease (IATF) kagabi, makikitang nakipagkamay pa ang Pangulo sa ilang miyembro ng gabinete na dumalo sa pagpupulong tulad nina Justice Secretary Menardo Guevarra at Cabinet Secretary Karlo Nograles.

Bukod dito ay nakipag beso – beso pa ang Pangulo kay Tourism Secretary Bernadette Puyat.

Una nang sinabi ng PSG na ipatutupad nila ang istriktong ‘no touch policy’ sa sinumang lalapit kay Pangulong Rodrigo Duterte upang maiiwas ito sa COVID-19.

Pansamantalang sinuspinde ng Commission on Elections (Comelec) ang voter’s registration dahil sa patuloy na panganib dulot ng COVID-19.

Ayon kay Comelec Spokesman James Jimenez, epektibo ang suspensiyon simula ngayong araw, March 10 hanggang March 31.

Epektibo ang kautusan sa lahat ng Comelec offices sa buong bansa.

Una nang nagsimula ang voter registration noong January 20 at magtatapos hanggang sa September 30, 2021.

Hinikayat ng Department of Labor and Employment (DOLE) ang mga employer sa buong bansa na magbigay ng dagdag na leave credits sa mga empleyado kasunod ng COVID-19 outbreak.

Ayon kay Marcos Valeros ng DOLE bureau of working conditions, posibleng ikonsidera ng mga employer ang pagbibigay ng 14 – day leave with pay sa mga empleyado bukod pa ito sa kanilang sick at vacation leave.

Lalong lalo na aniya sa nga empleyadong ang klase ng trabaho ay may malaking exposure sa COVID-19 gaya nalamang ng mga manggagawa na kinakailangang magtungo sa mga lugar na mayroong positibong kaso ng nasabing sakit batay na rin sa pangangailangan sa kanilang trabaho.

Samantala, ipinauubaya na ng DOLE sa mga employer ang pagdedesisyon sa pagsususpendi ng trabaho sa mga lugar na apektado ng COVID-19.

Gayundin aniya ang paglilinis at madi-disinfect sa mga lugar ng pag gawa upang maging ligtas sa mga manggagawa.

Hinikayat ni Honeylet Avanceña, ang long-time partner ni Pangulong Rodrigo Duterte na mag-ingat ito laban sa COVID-19.

Una nang nagpatupad ng ‘no touch policy’ ang Presidential Security Group (PSG) sa Pangulo upang hindi mahawaan ng naturang sakit.

Ayon kay Avanceña, madali namang painumin ng vitamins ang Pangulo ngunit kailangan pa rin nitong maging maingat at umiwas sa mga malaking pagtitipon.

Mas mabuti pa rin aniya ang pag-iwas sa sakit kaysa gamutin ito.

Sakop ng ipinatutupad na ‘no touch policy’ ng PSG ang pamilya ni Pangulong Duterte.

Una nang siniguro ni Presidential Spokesman Salvador Panelo na susunod ang Pangulo sa advise ng PSG para na rin sa kanyang kalusugan.