Author

DWIZ 882

DOTr ipinagbabawal muna ang pagsakay sa mga motorcycle ride hailing apps sa Metro Manila

Ipinagbabawal muna ng Department of Transportation (DOTr) ang pag-angkas sa mga motorsiklo na bumibyahe sa mga lansangan sa metro manila.

Ayon sa DOTr, ito’y bilang bahagi ng ipinatutupad na social distancing sa ilalim ng implementasyon ng community quarantine sa Metro Manila dahil sa COVID-19.

Giit ng DOTr, kahit pa ito ay “for personal use” hindi pa rin ito pahihintulutan.

Dapat umano na driver lamang ang sakay nito.

Una rito, sinuspinde ng DOTr ang operasyon ng ride hailing app na Angkas, Joyride at Move It.

March 16, 2020 0 comment

NATIONAL NEWS

DOTr kinukunsidera magpatupad ng total ban sa mga public transportation sa NCR

written by DWIZ 882

Ikinukunsidera ngayon ng Department of Transportation (DOTr) ang pagpapatupad ng total ban sa mga pampublikong transportasyon sa gitna ng pag-iral ng community quarantine sa National Capital Region (NCR).

Ayon kay Transportation Spokesperson Goddes Libiran, katuwang ang Inter-Agency Task Force (IATF), tinatalakay na nila ang posibilidad ng total ban sa mga pampublikong transportasyon.

Ani Libiran ikinukunsulta na rin umano nila ito sa iba pang mga kinauukulang ahensya ng gobyerno.

Giit ng opisyal napakarami kasing pasaway, matigas ang ulo, pilosopo at makasarili kaya’t mas lalo aniyang nagiging mahirap ang pagpapatupad ng community quarantine sa NCR.

March 16, 2020 0 comment

NATIONAL NEWS

Kamara pinag-aaralan na ang iba’t-ibang tulong para sa mga apektado ng community quarantine dahil sa COVID-19

written by DWIZ 882

Pag-aaralan ng Kamara ang iba’t-ibang programa na maaaring ipatupad para makatulong sa mga manggagawang apektado ang hanapbuhay ng community quarantine dahil sa coronavirus disease (COVID-19).

Ayon kay House Speaker Alan Peter Cayetano, katuwang ang Department of Social Welfare and Development (DSWD), ilalatag ang ilang short term relief package na posibleng makaayuda sa mga manggagawa.

Kabilang aniya rito ang Pantawid Pasada Program para sa mga tricycle at jeepney driver at ang Tupad program o ang tulong panghanapbuhay sa ating disadvantaged/displaced workers para sa mga displaced na manggagaw.

Dagdag pa ni Cayetano, maaaring makatanggap ng tulong pinansyal ang isang empleyado na tinamaan ng COVID-19 at kailangang sumailalim sa quarantine.

Una nang tiniyak ng DSWD ang pagkakaroon ng sapat na pondo para sa pantawid programs.

March 16, 2020 0 comment

HEADLINES NATIONAL NEWS

Gamboa kuntento sa performance ng kapulisan sa ipinatupad na community quarantine sa NCR

written by DWIZ 882

Kuntento si PNP Chief General Archie Gamboa sa performance ng mga pulis sa pagsasailalim ng community quarantine ng National Capital Region (NCR) dahil sa COVID-19.

Ayon kay Gamboa, layon ng direktiba na mabawasan ang pagpasok ng tao sa Metro Manila na siyang nagawa naman aniya ng mga otoridad.

Yes, ang basic naman natin dun sa checkpoint purpose is control ng pasok ng tao, merong mga nakalatag na criteria kung sino lang ang pwedeng pumasok, kapag hindi ka pwede hindi ka na papapasukin, kung papasok ka merong appropriate medical checks na gagawin natin,” ani Gamboa.

Gayunman aminado si Gamboa na napuna ng ilan ang hindi pagsusuot ng face mask o gloves ng mga pulis na nakatalaga sa mga checkpoint.

Paliwanag ni Gamboa limitado lang kasi ang kayang bilhin na protective equipment ng ahensya.

Kaya naman umano umaasa siyang matutulungan din sila ng pamahalaan para madagdagan ang mga gamit na kailangan para maprotektahan di n ang mga pulis laban sa sakit.

Hopefully with the Inter-agency and the National disaster convening today we are able to bring out this issues at sana tulungan kami ng national government,” ani Gamboa.

March 16, 2020 0 comment

HEADLINES NATIONAL NEWS

PCG personnel ipakakalat sa mga MRT, LRT stations

written by DWIZ 882

Magpapakalat ng mga tauhan ang Philippine Coast Guard (PCG) sa mga istasyon ng LRT at MRT.

TINGNAN: Kaganapan sa PCG Task Force Laban COVID-19 Command Center

24/7 ang pagbabantay at pagpaplano ng mga officers at personnel ng PCG kaugnay sa deployment ng PCG Task Force Laban COVID-19 sa anim na Integrated Advance Command Posts (IACPs) sa National Capital Region. pic.twitter.com/DYYDXZyDzc

— Philippine Coast Guard (@coastguardph) March 16, 2020

Ayon sa PCG, 24-oras na pagbabantay ang kanilang isasagawa, katuwang ang mga tauhan ng kanilang task force laban sa coronavirus disease 2019 (COVID-19) sa anim na integrated advance command posts sa National Capital Region (NCR).

Limang PCG personnel ang idedeploy sa bawat isatasyon ng LRT-1, LRT-2 at MRT-3 simula ngayong Lunes.

Pangunahing layunin ng naturang hakbang ng PCG ang maisaayos ang pagpapatupad ng ‘social distancing’ sa mga istasyon ng tren.

March 16, 2020 0 comment

NATIONAL NEWS

Pasok sa lahat ng field offices ng COMELEC suspendido

written by DWIZ 882

Suspendido na rin ang pasok sa trabaho sa lahat ng field offices ng Commission on Elections (COMELEC) sa buong bansa.

Ayon sa COMELEC, epektibo ngayong Lunes, ika-16 ng Marso, ang suspensyon ng kanilang pasok at tatagal ito ng isang buwan o habang umiiral ang community quarantine sa Metro Manila.

Layon pa rin ng naturang hakbang na maiwasan ang paglaganap pa ng coronavirus disease 2019 (COVID-19).

Magugunitang una nang sinuspinde ng COMELEC ang pagpapatuloy ng voter registration sa bansa dahil na rin sa virus.

March 16, 2020 0 comment

HEADLINES RONDA PROBINSYA

Operasyon ng ilang establisyimento sa Rizal suspendido muna

written by DWIZ 882

Suspendido muna ang operasyon ng ilang establisyimento sa buong lalawigan ng Rizal simula ngayong Lunes, ika-16 ng Marso.

Sa memorandum na inilabas ng Rizal Provincial Government, ipinag-utos na ni Governor Rebecca Ynares ang pansamantala munang suspensyon sa operasyon ng mga malls, lotto at bingo outlets, internet cafe, bars at mga coffee shops.

Bawal rin muna ang pagdaraos ng misa at iba pang public gatherings sa lalawigan.

Samantala, magpapatuloy naman ang operasyon ng mga ospital, drugstores, supermarkets, groceries at mga palengeke.

March 16, 2020 0 comment

HEADLINES NATIONAL NEWS

China aayuda sa PH vs. COVID-19

written by DWIZ 882

Aayuda na ang China sa Pilipinas kaugnay sa paglaban sa pagkalat ng coronavirus disease 2019 (COVID-19) sa bansa.

Ayon kay Chinese Foreign Ministry spokesperson Hua Chunying, nakipag-ugnayan na ang Chinese State Councilor na si Wang Yi kay Foreign Affairs Secretary Teddy Locsin hinggil dito.

Kabilang umano sa kanilang mga ipadadala sa Pilipinas ay mga medical supplies at mga health experts.

Samantala, bukod sa Pilipinas ay magpapa-abot din umano ng tulong ang China sa Spain –na kabilang sa mga bansang tinamaan ng COVID-19.

March 16, 2020 0 comment

NATIONAL NEWS

MIAA nagbigay paalala sa mga pasahero na babyahe

written by DWIZ 882

Pinaalalahanan ng Manila International Airport Authority (MIAA) ang mga pasaherong walang ticket reservations na hindi na sila papapasukin sa NAIA.

Ito’y matapos mabatid ng MIAA ang pagdami ng tao sa NAIA dahil sa mga pasaherong nagtutungo doon kahit wala pang kumpirmadong booking o yung mga chance passengers.

Ayon sa MIAA nawawalan ng saysay ang pagpapatupad ng social distancing kung nagiging overcrowded naman sa paliparan.

Dahil dito maghihigpit na umano ang mga security officers sa pagpapasok sa mga gate at tanging ang mga may reservation lamang ay pahihintulutan.

March 16, 2020 0 comment

HEADLINES NATIONAL NEWS

Paglaban kontra COVID-19 ng mga local officials pinatutukan ng DILG

written by DWIZ 882

Pinatutukan ng Department of the Interior and Local Government (DILG) sa mga local officials ang paglaban sa coronavirus disease (COVID-19).

Dahil dito sinuspinde muna ang ikalawang bugso ng road clearing operations para masubaybayan ng mga Alkalde ang mga hakbang na ginagawa para maiwasan ang pagkalat ng virus.

Ayon kay DILG Sec. Eduardo Año, hindi na rin pinapayagan ang lahat ng opisyal ng lokal na pamahalaan na bumiyahe palabas ng bansa sa loob ng isang buwan.

Sinabi ni Año na mas kailangan ngayon ang presensya ng mga lokal na opisyal sa kani-kanilang lugar para magabayan ang mamamayan sa pagsunod sa mga hakbang para makaiwas sa sakit.

March 16, 2020 0 comment

Newer Posts

Older Posts