DWIZ 882

Suspendido na ang lahat ng mass at public transportation services simula kaninang 12 a.m. ng hating gabi kasunod ng pagpapatupad ng enhanced community quarantine sa buong Luzon.

Ayon kay Inter-Agency Task Force (ITAF) Spokesperson at Cabinet Secretary Karlo Nograles, kabilang sa suspendido ang operasyon ng MRT 3, LRT 1, LRT 2 at Philippine National Railways (PNR).

Hindi rin aniya papayagang bumiyahe ang mga pampublikong bus, jeepney, tricycle, taxi at mga tnvs tulad ng Grab.

Dagdag ni Nograles, limitado rin ang land, air at sea travel, papasok at palabas ng Luzon.

Lahat aniya ng mga pasaherong papalabas ng bansa mula sa mga international airport sa Luzon ay binibigyan ng 72 oras mula maging epektibo ang enhanced community quarantine na makaalis ng bansa.

Habang ang mga papasok na pasahero mula sa ibang bansa ay kinakailangang sumailalim sa quarantine procedures.

Inbound international passengers in transit upon activity of enhanced community quarantine; all inbound Filipino citizens including foreign spouse and children if any holders of permanent resident visa and holders of diplomat visas issued by the Philippine government shall allowed entry subject of applicable quarantine procedures if coming from countries with existing travel restriction impose by the IATF., ani Nograles

 Tiniyak naman ni Nograles na tuloy-tuloy ang paggalaw ng mga kargamento sa Luzon lalu na ang mga nagdadala ng mga pangunahing pangangailangan.

 The movement of cargos within to and from entire Luzon shall be unhampered for this purpose guidelines for the accompanying crew or personnel of transiting cargos shall be formulated by the Department of Transportation; land, air and sea travel of uniformed personnel for official business especially those transporting medical supplies, laboratory specimens related to the COVID-19 and other humanitarian assistance shall be allwed., ani Nograles

Makatatanggap ng mga karagdagang test kits sa coronavirus disease 2019 (COVID-19) ang Pilipinas mula sa pamahalaan ng South Korea at China.

Ayon kay Health Secretary Francisco Duque III, 500  test kits ang natanggap ng Pilipinas mula sa South Korea noong biyernes at inaasahang may darating pang 5,000 hanggang 10,000 ngayong linggo.

Habang una na rin aniyang nagbigay ng 2,000 test kits ang China  at may  10,000 pang  nakatakdang i-deliver sa miyerkules.

Kasunod nito, umaasa si Duque na mas mapapaigting nila ang pagsasagawa ng massive testing para sa COVID-19.

Naniniwala rin aniya ang Department of Health (DOH) na sa pagdating ng mga karagdagang test kits mas marami nang madedect na positibo pero may mild na sintomas lamang COVID-19.

Nagpatupad ang Presidential Security Group (PSG) ng mas mahigpit na health protocols laban sa COVID-19 sa Malakaniyang.

Ayon sa PSG maliban sa pagdaan sa thermal scanner, kailangan na rin ngayon na mag fill up ang mga empleyado ng health declaration.

Nakasaad dito kung ang isang empleyado ay nakakaramdam ng sipon, lagnat, pamamaga ng lalamunan o hirap sa paghinga.

Aalamin din kung ang isang empleyado ay may travel history sa bansang may kaso ng COVID-19 o nanggaling sa isang ospital na may naitalang positibo sa sakit.

Nakapagtala na ng unang nasawi dahil sa COVID-19 sa Maynila.

Ayon kay Manila Mayor Isko Moreno, linggo ng gabi nasawi si patient number 12.

Residente ng Sampaloc, Maynila ang pasyente at na-admit sa ospital na nasa labas ng Maynila.

Samantala mayroong limang kumpirmadong kaso ng COVID-19 sa Maynila.