DWIZ 882

Naniniwala si House Prosecutor at Manila Rep. Joel Chua na ang ginawang pagdinig ng Senate Blue Ribbon Committee ngayong araw ay may layuning sirain ang kredibilidad ng mga kongresistang kritiko ni Vice President Sara Duterte.

Ayon kay Chua, kilalang mga kritiko laban sa Pangalawang Pangulo ang mga nabanggit na kongresista sa pagdinig ng Senado, dahilan kaya nais umano’y yurakan ang kanilang kredibilidad.

Nabatid na sa pagdinig ng Senate Blue Ribbon Committee kanina, nabanggit ng isa sa mga miyembro ng 18 ex-Marines na dati ring tauhan ni dating Cong. Zaldy Co ang pangalan ng ilang mambabatas sa Kamara na umano’y nakatanggap ng mga maletang may lamang pera.

Kabilang sa mga pinangalanan sa pagdinig sa Senado ang ilang kasalukuyang House impeachment prosecutors gaya nina lead prosecutor Gerville Luistro, Rep. Leila de Lima, Cong. Terry Ridon, at maging si Chua.

Iginiit ni Chua na naghain na siya ng reklamo laban sa mga nag-uugnay sa kanila sa umano’y pamamahagi ng mga maletang may pera.

Aniya, mas makabubuting hintayin na lamang ang magiging resulta ng kaso habang nagpapatuloy ang imbestigasyon sa Senado. | via Geli Mendez (Patrol 30)

Buo ang tiwala ng Philippine National Police (PNP) na malulutas na ang matagal nang misteryo sa kaso ng mga nawawalang sabungero.

Kasunod ito ng pagkakadiskubre ng mahigit isanlibong skeletal remains sa Lawa ng Taal sa Batangas.

Ayon kay PNP Chief General Jose Melencio Nartatez Jr., dahil sa lawak ng mga ebidensyang natagpuan, kinakailangan ang masusing siyentipikong pagsusuri upang matukoy ang mga mahahalagang detalye sa kaso.

Tiniyak naman ng PNP chief na ibibigay nila ang buong suporta sa mga imbestigador upang maitaguyod ang katotohanan at mapanagot ang sinumang may kinalaman sa krimen.

Isa pang miyembro ng minorya ng Senado ang nagpapahiwatig na nais lumipat sa “new majority.”

Ito ang kinumpirma ni Senador Erwin Tulfo, bagong chairman ng Senate Blue Ribbon Committee, matapos ang mga kaganapan sa Senado, partikular ang pag-lundag ni Senator Chiz Escudero sa bagong mayorya.

Nahihiya lang anya ang nagpapahiwatig na kapwa senador dahil hindi nila maipaliwanag sa kanilang grupo na hindi nila gusto ang nangyayari at hindi sila sang-ayon sa ginagawa ng kanilang Senate President na si Senator Alan Peter Cayetano.

Ayon kay Senator Tulfo, pinoproblema rin ng hindi pinangalanang senador kung paano maiiwasang ma-bash kapag kumalas sa grupo.

Taliwas naman sa iginigiit ni Cayetano na kailangan ang labingtatlo, ipinaliwanag ni Tulfo na maaari pa ring magpatawag ng quorum kapag may labindalawang senador sa plenaryo.

Iginiit ni Senador Jinggoy Estrada na si Senador Alan Peter Cayetano pa rin ang lehitimong Senate President sa kabila ng pag-upo ni Acting Senate President Sherwin Gatchalian.

Ayon kay Sen. Estrada, hindi maaaring gamitin ang Avelino vs. Cuenco ruling upang bigyang-katwiran ang kasalukuyang liderato sa Senado.

Giit ng mambabatas na kinakailangan pa rin ang mayorya ng dalawampu’t apat na senador para magkaroon ng quorum, alinsunod sa 1987 Constitution.

Binigyang-diin din niya na mali ang pananaw na dalawampu’t dalawa na lamang ang bilang ng mga senador, dahil hindi naman anya siya at si Senador Ronald “Bato” Dela Rosa nagbitiw sa kanilang mga posisyon.

Dagdag pa niya, sila’y buhay at hindi pisikal na incapacitated, kaya dapat pa rin silang isama sa kabuuang bilang ng mga miyembro ng Senado.—sa panulat ni Reabelle Medina

Mariing itinanggi ni House Prosecutor at Bicol Saro Partylist Representative Terry Ridon ang testimonya ng isa sa labingwalong ex-Marines na si Jowly Cadiao sa pagdinig ng Senate Blue Ribbon Committee kaugnay sa umano’y maletang idineliver sa kanya.

Binigyang-diin ni Rep. Ridon na “kasinungalingan” ang mga testimonya ni Cadiao at iginiit na walang maletang naideliver sa kanya sa anumang panahon, oras, o sa kahit saan mang lugar.

Kasabay nito, tiniyak ng House Prosecution Panel na magpapatuloy ang impeachment trial laban kay Vice President Sara Duterte.

Anya, walang “kasinungalingan o gawa-gawang testimonya” ang makapipigil sa paglalahad nila ng katotohanan sa impeachment court.—sa panulat ni Reabelle Medina

Magpapatupad ng bawas singil sa tubig sa kanilang mga kustomer ang Maynilad simula July 1, 2026.

Ito ay matapos aprubahan ng MWSS Regulatory Office ang rekomendasyon na ipatupad ang Foreign Currency Differential Adjustment (FCDA) para sa ikatlong quarter ng taon.

Dahil dito, makikinabang ang mga customer ng Maynilad sa West Concession Area sa bahagyang bawas-singil sa tubig na aabot sa average na Php0.12 kada cubic meter ng kanilang konsumo.

Samantala, mananatiling walang pagbabago sa singil ng Manila Water sa East Concession Area matapos bumaba ang kanilang kuwenta sa itinakdang antas para sa pagpapatupad ng dagdag o bawas-singil.

Nagsampa ang Office of the Ombudsman ng kasong graft at malversation laban sa mag-asawang contractors na sina Curlee at Sarah Discaya, kasama ang ilang opisyal ng Department of Public Works and Highways, kaugnay ng maanomalyang flood control project sa Calumpit, Bulacan.

Batay sa imbestigasyon, ang proyekto ay para sa rehabilitasyon ng river structure sa Bulusan River na ipinatupad ng DPWH Bulacan First District Engineering Office, kung saan lumabas na may mga iregularidad sa pagpapatupad at paggamit ng pondo para sa proyekto.

Ayon sa DPWH, dahil sa sama-samang pagkilos ng mga akusado, nakaranas ng pinsala ang pamahalaan at nakinabang nang hindi nararapat ang contractor na St. Timothy Construction Corporation na kumubra ng 53.9 milyong pisong halaga ng umano’y nawawalang pondo.

Sa kasalukuyan, nasa kustodiya na ng Senado si Curlee Discaya, habang nakakulong naman si Sarah Discaya sa Cebu, dahil sa hiwalay na kasong graft at malversation na may kaugnayan sa umano’y 96.5 milyong pisong “ghost” flood control project sa Davao Occidental. | Sa panulat ni Reabelle Medina.

Pormal nang nanumpa bilang miyembro ng Kamara ang bagong kinatawan ng 1-Tahanan Partylist na si Rep. Elmer Catulpos.

Pinangunahan ni House Speaker Faustino Dy III ang oath-taking o panunumpa ni Catulpos sa plenaryo ng Kamara.

Kasama ni Catulpos ang kaniyang anak at iba pang House leaders bilang suporta sa kaniyang pagkakatalaga bilang bagong kongresista ngayong 20th Congress bago mag sine die adjournment.

Si Catulpos ang bagong pumalit kay dating 1-Tahanan Cong. Nathaniel Oducado matapos magbitiw sa puwesto. | via Geli Mendez (Patrol 30)

: House of Representative/YT (screengrab)

Aprubado na sa ikatlo at huling pagbasa ng Kamara ang panukalang KALINGA Act na layong magtatag ng permanenteng national emergency response framework na lalaban at poprotekta sa epekto ng mataas na presyo ng langis, inflation, energy shocks, at iba pang pandaigdigang krisis.

Sa botong 294 pabor, 3 ang tumutol, at walang abstention, ipinasa ng Kamara ang House Bill 9305 o ang “Komprehensibong Alalay sa Livelihood, Inflation, Negosyo at Goods Assistance” o KALINGA Act.

Pangunahing may-akda ng panukala sina House Speaker Faustino Dy III at House Majority Leader Sandro Marcos kasama ang suporta ng 156 na kongresista bilang mga co-authors.

Sa ilalim ng panukala, maaaring magdeklara ng state of national energy emergency si Pangulong Ferdinand Marcos Jr. kung mananatiling mataas ang presyo ng langis, may kakulangan sa fuel supply, o may matinding economic disruption.

Awtomatiko ring mamamahagi ang gobyerno ng ayuda tulad ng cash assistance, fuel subsidies, transport support, logistics support, food vouchers, electricity subsidies, at emergency financing program para sa mga magsasaka, mangingisda, MSMEs, at iba pang vulnerable sectors.

Ayon kay Majority Leader Marcos, layunin ng panukala na magkaroon ng kahandaan ang gobyerno upang mabilis na makatugon sa krisis at maprotektahan ang kabuhayan ng mga Pilipino.

Aniya, hindi na maituturing na isolated o pansamantalang problema ang fuel at energy shocks dahil agad itong nakaaapekto sa presyo ng pagkain, pasahe, singil sa kuryente, trabaho at kita ng mga pamilya.

Sakop din ng panukala ang paglikha ng KALINGA National Response Council na mangangasiwa sa implementasyon ng emergency measures at pamamahagi ng ayuda.

Isasailalim rin sa transparency at audit review ang lahat ng gastusin upang matiyak ang tamang paggamit ng pondo.

Sa tulong rin ng panukala, papayagan ang pansamantalang emergency measures upang mapatatag ang presyo ng mga bilihin, maprotektahan ang mga vulnerable sector, mapanatili ang mahahalagang serbisyo, at mabawasan ang epekto ng krisis sa ekonomiya.

Binigyang-diin ni Marcos na hindi dapat laging nangangapa ang gobyerno sa paghahanap ng solusyon tuwing may global fuel crisis, kundi dapat mayroong nakahandang sistema upang mapatatag ang supply chains, maprotektahan ang kabuhayan at agad na makarating ang tulong sa mga apektadong Pilipino.

BASAHIN: https://www.dwiz882am.com/?p=528597

#dwiz #dwiznews #aliw23

Aprubado na sa ikatlo at huling pagbasa ng Kamara ang panukalang KALINGA Act na layong magtatag ng permanenteng national emergency response framework na lalaban at poprotekta sa epekto ng mataas na presyo ng langis, inflation, energy shocks, at iba pang pandaigdigang krisis.

Sa botong 294 pabor, 3 ang tumutol, at walang abstention, ipinasa ng Kamara ang House Bill 9305 o ang “Komprehensibong Alalay sa Livelihood, Inflation, Negosyo at Goods Assistance” o KALINGA Act.

Pangunahing may-akda ng panukala sina House Speaker Faustino Dy III at House Majority Leader Sandro Marcos kasama ang suporta ng 156 na kongresista bilang mga co-authors.

Sa ilalim ng panukala, maaaring magdeklara ng state of national energy emergency si Pangulong Ferdinand Marcos Jr. kung mananatiling mataas ang presyo ng langis, may kakulangan sa fuel supply, o may matinding economic disruption.

Awtomatiko ring mamamahagi ang gobyerno ng ayuda tulad ng cash assistance, fuel subsidies, transport support, logistics support, food vouchers, electricity subsidies, at emergency financing program para sa mga magsasaka, mangingisda, MSMEs, at iba pang vulnerable sectors.

Ayon kay Majority Leader Marcos, layunin ng panukala na magkaroon ng kahandaan ang gobyerno upang mabilis na makatugon sa krisis at maprotektahan ang kabuhayan ng mga Pilipino.

Aniya, hindi na maituturing na isolated o pansamantalang problema ang fuel at energy shocks dahil agad itong nakaaapekto sa presyo ng pagkain, pasahe, singil sa kuryente, trabaho at kita ng mga pamilya.

Sakop din ng panukala ang paglikha ng KALINGA National Response Council na mangangasiwa sa implementasyon ng emergency measures at pamamahagi ng ayuda.

Isasailalim rin sa transparency at audit review ang lahat ng gastusin upang matiyak ang tamang paggamit ng pondo.

Sa tulong rin ng panukala, papayagan ang pansamantalang emergency measures upang mapatatag ang presyo ng mga bilihin, maprotektahan ang mga vulnerable sector, mapanatili ang mahahalagang serbisyo, at mabawasan ang epekto ng krisis sa ekonomiya.

Binigyang-diin ni Marcos na hindi dapat laging nangangapa ang gobyerno sa paghahanap ng solusyon tuwing may global fuel crisis, kundi dapat mayroong nakahandang sistema upang mapatatag ang supply chains, maprotektahan ang kabuhayan at agad na makarating ang tulong sa mga apektadong Pilipino.