DWIZ 882

Sinuspinde na kahapon ng Metropolitan Manila Development Authority (MMDA) ang pagpapatupad ng number coding scheme sa Metro Manila.

Ito ay bilang pagbigay daan sa selebrasyon o pagdiriwang ng pasko at bagong taon.

Ayon sa MMDA ang Number Coding Scheme para sa provincial buses, private at public utility vehicles sa NCR ay suspendido sa mismong araw ng pasko, December 25, 2021 at bagong taon January 1, 2022 .

Samantala, magkakaroon naman ng Rush hour Number Coding Scheme mula alas-5 ng hapon hanggang alas-8 ng gabi para sa Metro Manila buses, private vehicles, at PUVs bago magpasko, December 24, Friday-Christmas Eve, December 30, Thursday Rizal day at December 31, Friday-New Year’s eve. —sa panulat ni Angelica Doctolero

Pinasaya ni Partido Federal ng Pilipinas (PFP) standard bearer Ferdinand ‘Bongbong’ Marcos, Jr. nitong Martes ang nasa 500 bata sa Marcos Village sa Mabalacat at mga Aeta communities sa Pampanga at Tarlac.

Sinalubong ng mga bata sa Marcos Village gymnasium kung saan isinagawa ang gift giving.

Ayon kay Marcos, ang Pasko ay sumisimbolo sa kapanganakan ni Jesus kaya’t dapat itong ipagdiwang taun-taon, lalo na ng mga bata.

Aniya, kapag nakita niya ang ngiti ng mga bata ay nararamdaman niya ang Christmas spirit.

Kabilang sa mga nabigyan ng aginaldo ang 300 kabataan sa Barangay Marcos Village at 200 bata mula sa Aeta Indigenous Peoples and Indigenous Cultural Communities sa Bamba, Mabalacat, City, Pampanga at Tarlac.

Maliban dito, mahigit 500 food packs din ang ipinamahagi ni BBM sa naturang barangay.

Nakisaya ang mag-aamang Marcos sa mga bata kung saan ay sumali ang mga ito sa inihandang native dance ng mga paslit.

Inalala ni Marcos ang kanyang amang si dating Pangulong Ferdinand E. Marcos na iminulat sa kanya ang kahalagahan at pagmamahal sa mga indigenous people.

Sinabi pa ni BBM na dapat na kilalanin at i-promote rin ang karapatan at kapakanan ng mga ito.

Pinagdadampot ng mga tauhan ng Manila Police District (MPD) ang nasa 30 kabataan sa Tondo, Maynila.

Ito ay makaraang sumiklab ang isang riot sa kanto ng Solis St., at Dagupan Ext. Na sakop ng Brgy. 165 sa nabanggit na lugar.

Agad namang rumesponde ang mga otoridad matapos makatanggap ng report mula sa isang concerned citizen kung saan, narekober sa lugar ang dalawang patalim, isang icepick, balisong, dalawang pilbox at apat na firecrackers.

Sa ngayon, dinala na sa Department of Social Welfare and Development – Recreation Action Center (DSWD-RAC) ang 27 mga menor-de-edad habang dinala naman sa presinto ang 3 nasa hustong gulang para isailalim sa imbestigasyon. —sa panulat ni Angelica Doctolero

Inaprubahan na ng World Bank ang karagdagang 300 milyong pisong dolyar na ni-loan o inutang pilipinas para sa vaccination program at pagbukas ng ekonomiya sa gitna ng Covid-19 pandemic.

Ayon sa Washington-Based Multilateral Lender, inaprubahan ng  Board Of Executive Directors ang dagdag na 300-million dollars o 15B piso na pautang sa pilipinas upang mapalakas ng national vaccination, health care systems at maiahon ang bansa sa epekto ng pandemya.

Ang nasabing bagong pautang ay inaasahang makapagbibigay sa bansa ng 27 million vaccine para maabot ang heard immunity at population protection bago matapos ang taon. —sa panulat ni Angelica Doctolero