Apat ang patay kabilang na ang tatlong police officers at isang sibiliyan habang sugatan pa ang anim na iba pa sa naganap na sagupaan sa Northeastern Democratic Public sa Congo.
Ayon sa Local Police, nagsimula ang tensyon sa pagitan ng mga pulis at mga demonstrador na nagpoprotesta laban sa tumataas na bilang ng krimen sa naturang lugar.
Kabilang sa mga nasawi ay ang Commissioner ng Congolese National Police na pinatay sa kanyang workstation at si Sylvain Ekenge, na isang spokesman ng Military Governor sa North Kivu Province.
Base sa imbestigasyon, nagkalat sa isang kalsada sa tinaguriang “dead city” sa Goma, kabisera ng North Kivu Province ng DRC ang mga demonstrador.
Nabatid na lumala ang sagupaan, dahil sa panggugulo at pagsunog ng mga demonstrador sa ilang mga sasakyan at pagkasira ng mga kalsada maging ng ilang mga barricade sa nabanggit na lugar. —sa panulat ni Angelica Doctolero