Inanunsiyo ni Filipino-American Skier Asa Miller ang muling pagrepresenta sa bansa sa darating na 2022 Beijing Winter Olympics.
Sa Instagram post ni Miller, inihayag niya na muli siyang lalahok sa Winter Olympics.
Nagpakitang gilas ang 21-year-old skier sa 2018 Pyeongchang Winter Olympics kung saan kaniyang nakamit ang 70th place sa Giant Slalom Event.
Ang Beijing Winter Olympics ay isasagawa sa February 4 hanggang 20, 2022. —sa panulat ni Mara Valle
Arestado ang 17 suspek sa ikinasang magkakahiwalay na buy-bust operation, sa lalawigan ng Cavite.
Unang dinakip sa operasyon sina Fernan Garcia, 24-anyos at Herman Quintan, 45-anyos sa Bacoor City, Cavite kung saan, nasamsam sa kanila ang limang gramo ng hinihinalang shabu na may street value na 34,000 pesos.
Inaresto rin ang mag-amang Ronaldo Canada at Reynan Canada at Rafael Nones kung saan, nakumpiska naman ang isang gramo ng hinihinalang shabu na nagkakahalaga ng 6,800 pesos.
Bukod sa mga suspek ay mayroon pang 12 pang hinihinalang mga tulak droga ang dinampot sa nasabing lugar.
Nahaharap ngayon sa patung-patong na kaso ang mga suspek. —sa panulat ni Mara Valle
Inihayag ng Department of Public Works and Highways (DPWH) na posibleng abutin pa ng linggo bago tuluyang maayos ang mga sirang tulay matapos manalasa ang bagyong odette sa visayas at mindanao.
Base sa datos ng National Disaster Risk Reduction and Management Council (NDRRMC), umabot na sa mahigit P227M ang naitalang halaga ng nasira sa imprastraktura dahil kay bagyong Odette.
Ayon kay DPWH Secretary Roger Mercado, patuloy silang nagsasagawa ng operasyon sa mga lugar na sinalanta ng bagyo kabilang na ang Palawan, Siargao, Dinagat Islands, Southern Leyte, at Negros Occidental.
Sa ngayon na sa 90% ng national road at highway sa mga lugar na sinalanta ng bagyo ang madaraanan na. —sa panulat ni Angelica Doctolero
Muling bubuksan sa publiko ng Manila LGUs ang Manila Zoo kasabay ng pagdiriwang ng “araw ng kabayanihan ni Dr. Jose P. Rizal” (Rizal Day) sa December 30.
Ayon sa mahalaang lokal ng maynila, unang bibisita sa ikakasang “soft opening” ng Manila Zoo ay ang 1,300 construction workers na nabigyan ng vip treatment upang makapamasyal kasama ang kani-kanilang pamilya.
Nabatid na ang naturang mga manggagawa ang mismong nag-ayos sa Manila Zoo kaya dapat umanong mabigyan ang mga ito ng premium upang masilayan ang ganda at bagong atraksiyon sa lungsod. —sa panulat ni Angelica Doctolero
Inabisuhan ng Bureau Of Immigration ang mga pasahero na aalis ng bansa na agahang magtungo sa mga terminal ngayong papalapit ang pasko.
Ayon kay Immigration Commissioner Jaime Morente dapat na maagang magtungo sa airport, tatlo hanggang apat na oras ang mga mananakay para magkaroon ng sapat na oras para sa kanilang check-in at masiguro ang social distancing sa immigration area.
Sinabi ni Morente, mas mahigpit kasi ngayon ang kanilang pag-iinspeksiyon dahil sa pandemiya.
Bukod pa dito, nagpaalala rin si Morente sa mga pasahero na siguraduhing kumpleto ang kanilang travel requirements ng iba’t-ibang bansa upang hindi maanatala ang kanilang mga biyahe. —sa panulat ni Angelica Doctolero
Natural Resources (DENR) ang isang babaeng chinese matapos maaktuhang nagbebenta ng king cobra sa Binondo, Maynila.
Ayon kay National Bureau Of Investigation-Environmental Crime Division Chief Head Agent Jun Capreso, limang buhay na king cobra na nakasilid sa isang sako ang nasabat ng mga operatiba sa isang tindahan sa nabanggit na lugar.
Nabatid na planong gawing exotic food sa isang restaurant ang mga endangered species kung saan, napag-alamang walang permit ang naturang dayuhan.
Ayon sa mga otoridad, ang pagbebenta ng king cobra ay lubhang delikado sa buhay ng isnag tao lalo na kapag ito ay nakawala.
Nakakulong na ngayon ang chinese national na kakasuhan ng Wildlife Act habang ang nasabat naman na mga king cobra ay dinala na sa pangangalaga ng DENR. —sa panulat ni Angelica Doctolero
Aabot sa 111 ang isinugod sa Quezon Medical Center sa Lucena City matapos mafood poison kabilang na ang ilang empleyado ng pamahalaang panlalawigan, sa naganap na pagtitipon sa Quezon Convention Center.
Nangayari ang insidente habang isinasagawa ang payout ng honorarium ng aabot sa 4,000 kasapi ng puli at lk kung saan, matapos mag-almusal ng pritong itlog, hotdog at kanin ay bigla nalang umanong nakaramdam ng pagkahilo hanggang sa sumuka ang mga biktima.
Humingi na ng paumanhin at pang-unawa si Governor Danilo Suarez sa mga nalason at sinabing isolated cases lamang insidente.
Sa ngayon iniimbestigahan pa ng mga otoridad ang catering services na ginamit sa okasyon na siansbaing pag-aari umano ni Tina Talavera na siyang umaaktong hepe ng Provincial General Services Office. —sa panulat ni Angelica Doctolero
Nakatakdang magbigay ng 10M ayuda ang Quezon City LGUs sa 5th at 6th class Municipalities na pinaka naapektuhan ng bagyong Odette sa tulong ng Regional Office ng DILG.
Kabilang sa mga lugar na mabibigyan ng ayuda ay ang 10 munisipalidad kabilang na ang Anahawan, Hinundayan, Libagon, Padre Burgos, Pintuyan, San Francisco, San Juan, San Ricardo, Tomas Oppus, at Limasawa sa Southern Leyte.
Ayon sa pamahalaang lokal ng Quezon City, ito ay isa sa mga paraan upang makatulong sa mga nangangailangan lalot papalapit narin ang pasko.
Nauna nang ipinasa ng QC Disaster Risk Reduction and Management Council ang Resolution no. 4 na nag-aapruba sa naturang pondo mula sa DRRM fund kung saan, bukod pa ito sa P100M pondo mula sa ipon ng Metropolitan Manila Development Authority (MMDA) na una nang napagkasunduan ng Metro Manila Mayors. —sa panulat ni Angelica Doctolero
Nasawi ang 19 indibidwal matapos ang pananalasa ng Bagyong Odette sa Siargao Island.
Ayon kay Surigao Del Norte Representative Francisco Jose “Bingo” Matugas II, aabot sa 1K domestic tourists ang naapektuhan ni bagyong Odette kung saan nasa 600 na ang napauwi ng local governments.
Bukod pa dito, “totally damaged” din ang Siargao Airport Terminal bunsod ng pag-landfall ng bagyo sa isla noong December 16.
Sa ngayon naglaan na Ng Emergency Communication System sa ilang parte ng lugar dahil wala parin umanong kuryente sa lugar hanggang sa ngayon. —sa panulat ni Angelica Doctolero
Aabot sa 100 milyong piso ang inilaang budget ng Department Of Labor And Employment (DOLE) para sa mga naapektuhang manggagawa sa iba’t ibang rehiyon na sinalanta ng Bagyong Odette.
Ayon kay Labor Sec. Silvestre Bello III, sa pamamagitan ng tupad program, nasa 25,000 informal sector workers ang pagkakalooban ng kagawaran ng “emergency employment” na apektado ng bagyo sa Visayas at Mindanao.
Kabilang sa mga lugar na makakatanggap ay ang Western, Central, at Eastern Visayas; Northern Mindanao; at Caraga Regions sa ilalim ng nabanggit na Flagship Cash-For-Work Program.
Sinabi ni Bello na magsasagawa ang kanilang ahensya ng “profiling” sa mga nasalanta ng bagyo upang matukoy ang mga karapat-dapat na mabigyang benepisyo habang ibabase naman sa prevailing minimum wage sa rehiyon, ang suweldo ng mga benepisyaryo na ipadadala sa pamamagitan ng money Remittance service provider. —sa panulat ni Angelica Doctolero