Patay ang rider ng isang motorsiklo matapos pumailalim sa isang trailer truck sa Marikina City.
Sa imbestigasyon ng mga otoridad, dead on the spot ang driver makaraang mawalan ng preno ang sinasakyang back hoe truck at bumagga sa isang motorsiklo at sa isa pang utility vehicle.
Sa ngayon hawak na ng mga otoridad ang driver ng truck na hindi pa nagbibigay ng pahayag. —sa panulat ni Mara Valle
Isinakay ang bagong silang na sanggol sa batya upang mailikas sa hanggang dibdib na baha sa gitna ng pananalasa ng bagyong Odette sa Agusan Del Norte.
Ayon sa ina ng sanggol na kinilalang si Honeybee Tangog, isinilang niya si Baby Stella noong Disyembre 17 sa kabila ng tumataas na tubig baha.
Dahil dito, nagpasya siya na isakay nalang ang kaniyang sa batya o palanggana upang mailigtas sa delubyong dala ng bagyong Odette.
Sinabi ni Honeybee na kumpara sa ibang bagyo, ngayon lamang tumaas ang tubig sa kanilang lugar.
Samantala, pinasalamatan naman ni honeybee ang ibinigay na tulong ng kanilang kapitan para mailikas ang kanilang pamilya.
Sa ngayon nasa mabuting kalagayan na ang mag ina. —sa panulat ni Mara Valle
Dinudumog ng daan-daang katao ang sikat na bilihan ng hamon sa Quiapo, Maynila.
Ilang araw bago magpasko, dumami ang mga parokyanong mula sa iba’t ibang lugar para pumila at bumili ng hamon upang ihanda sa darating na kapaskuhan.
Pumila ng maaga ang mga mamimili dahil nagkakaubusan na ang mga ito.
Matatandaang patuloy parin ang pagtaas ng preyo sa karneng baboy pero hindi umano nagtaas ang presyo ng hamon sa naturang tindahan.
Ang hamon ay isa sa tradisyonal na inihahain sa noche buena ng maraming pamilyang pilipino kaya kahit nasa gitna ng pandemya ay mas pinili nilang maging masaya ang selebrasyon ng pasko. —sa panulat ni Mara Valle
Kalunos-lunos ang sinapit ng lalawigan ng Bohol matapos masalanta ng bagyong Odette.
Dahil sa pinsalang iniwan ng bagyo, wala paring kasiguraduhan kung kailan maibabalik sa lugar ang turismo na pangunahing kabuhayan ng lalawigan.
Ayon sa mga residente, mayroong mga dumarating narelief goods mula sa gobyerno at meron ding galing sa mga Non Government Organization (NGO) ngunit hindi ito sapat dahil sa kakulangan sa aspeto ng logistics dahil sa limitadong daraanan ng mga trak.
Maaalalang malaki rin ang naging dagok ng pinsala sa naturang lugar ng Covid-19 pandemic. —sa panulat ni Mara Valle
Nasawi ang tatlong bata matapos na masunog ang kanilang bahay sa San Carlos City.
Ayon kay Fo2 Neil Bantillo, natutulog umano ang magkakapatid nang mangyari ang trahedya.
Nang makaresponde ang otoridad tumambad sa kanila ang bangkay ng magkakapatid na edad 9, 7, at 3 anyos sa loob ng kanilang kwarto.
Base naman sa report ng fire investigator, sa loob mismo ng kwarto ng mga bata nagsimula ang apoy dahil sa napabayaang kandila na nakalagay sa sahig. —sa panulat ni Mara Valle
Nasawi ang isang 55 anyos na lolo matapos sagipin mula sa pagkalunod ang kaniyang mga apo sa Albay.
Ayon sa mga otoridad, namataan ng isang mangingisda na si Ronaldo Arquero ang biktimang si Azupardo at ang kaniyang 3 apo sa dagat na humihingi ng saklolo kung saan, nailigtas ng lolo ang dalawang apo at nasagip naman ng mangingisda na si Ronaldo, ang isa pang apo ng biktima.
Sa pahayag ni Arquero, mabilis ang pangyayari kayat hindi na niya nakita ang lolo ng mga bata.
Dito na napag-alaman na pumailalim ito sa sumadsad na barge at lumutang na lamang makalipas ang mahigit kumulang 20 minuto.
Ayon sa mga otoridad hindi ito ang unang beses na may nalunod sa lugar kaya inabisuhan nila ang mga residente sa lugar na mag doble-ingat lalo na kung maliligo sa dagat. —sa panulat ni Mara Valle
Isinailalim Sa State Of Calamity ang Misamis Oriental na nasasakupang ng Northern Mindanao.
Dismayado ang ilang mga residente ng Barangay Sta. Ana sapagkat wala pa umano silang natatanggap na tulong matapos wasakin ng bagyong Odette ang kanilang mga bahay.
Naputol rin ang isang tulay na nagsisilbing daanan papasok at palabas ng mga mangangalakal sa kanilang lugar.
Sa ulat ng Regional Disaster Risk Reduction and Management Council Region X or RDRRMC, pinaka maraming tinamaan ng bagyong Odette sa Misamis Oriental, apat ang naiulat na nasawi at maraming pananim ang nawasak. —sa panulat ni Mara Valle
Arestado ang apat na katao matapos bentahan ng mga pekeng sigarilyo ang isang tindera sa Cavite.
Kinilala ang mga suspek na sina Rochelle Kaligayan, 40 anyos; Randy Oriola, 37 anyos; Rodessa Kaligayahan, 37 anyos at Armando Yedra, 75 anyos, na inireklamo ng isang Darren Hernandez, 32 anyos, ng Amadeo, Cavite.
Ayon kay Corporal Rey Kevin Manuel, ng Amadeo Police Station, ang mga suspek ay nahaharap sa kasong swindling, habang patuloy pang inaalam ng mga otoridad kung saan nanggaling ang mga pekeng sigarilyo.
—sa panulat ni Mara Valle
Isang call center agent ang natangayan ng 44,000 pesos matapos maloko sa isang text scam na nag aalok ng trabaho.
Kinilala ang biktima na si Erika Sagales, 21 anyos na saktong problemado sa pera at naghahanap ng extra na pagkakakitaan nang makatanggap ng isang text mula sa scammers.
Sa ngayon, patuloy pang iniimbestigahan at pinaghahanap ng mga otoridad ang responsible sa pangloloko.
Isang call center agent ang natangayan ng 44,000 pesos matapos maloko sa isang text scam na nag aalok ng trabaho.
Kinilala ang biktima na si Erika Sagales, 21 anyos na saktong problemado sa pera at naghahanap ng extra na pagkakakitaan nang makatanggap ng isang text mula sa scammers.
Sa ngayon, patuloy pang iniimbestigahan at pinaghahanap ng mga otoridad ang responsible sa pangloloko. —sa panulat ni Mara Valle