Wagi ang Pilipinas kontra Thailand sa 2022 AFC Women’s Asian Cup.
Naganap ito kahapon sa Dy Patil Stadium sa Navi Mumbai sa India.
Pinangunahan ni Chandler Mcdaniel ang pagpuntos ng lone goal sa unang walumpung isang minuto para kunin ang kalamangan na 1-0.
Ito ang unang pagkakataon na natalo ng Pilipinas ang Thailand sa 13 laro.
Dahil sa panalo, sigurado na ang tatlong puntos para sa Pilipinas na nasa ilalim ng Group B. —sa panulat ni Abby Malanday
Maraming pilipino ngayon ang sobra-sobra ang pagtatrabaho para mabuhay ang kani-kanilang pamilya ngayong pandemyang dulot ng COVID-19.
Kaliwa’t kanang gawain ang inaatupag.
Para matapos ang mga gawaing ito, laging ginagamit ang kamay.
Pero paano kung namamanhid ang kamay at sumasakit?
Ilan sa kailangang gawin ay;
—sa panulat ni Abby Malanday
Pumalo sa 200% sa loob ng 8 araw ang bagong kaso ng COVID-19 sa labas ng NCR plus.
Ayon kay OCTA research fellow Dr. Guido David, umabot sa 12K kahapon mula sa 4K noong January 12 ang nasabing kaso sa iba’t ibang bahagi ng bansa.
Batay sa pagtataya, sinabi ni David na posibleng pumalo sa halos isang libo ang bagong kaso ng COVID-19 sa Cebu City sa katapusan ng Enero.
Sa kasalukuyan, ang reproduction number o antas ng hawaan sa isang lugar sa NCR ay nasa 1.58, 94/100 thousand population naman ang average daily atack rate (ADAR) habang ang health utilization rate ay nasa 58% o moderate risk.
Samantala, sinabi ni David na nananatili pa rin sa critical risk sa COVID-19 ang Metro Manila.—sa panulat ni Airiam Sancho
Nalambat ng mga tauhan ng PNP Criminal Investigation and Detection Group (CIDG) ang 6 na indibidwal dahil umano sa pagbebenta ng hindi awtorisadong rapid antigen test kits para sa COVID-19 na nagkakahalaga ng mahigit 1.2 milyong piso.
Sa ulat kay PNP CIDG Director P/MGen. Albert Ignatius Ferro, unang isinagawa ang operasyon sa Bacoor City, Cavite, kung saan nahuli sina Maria Eileen Caballero at Mike Anderson Yao at nakuha sa kanila ang dalawang kahon ng test kits na may estimated value na P360,000.
Habang nahuli rin si Maria Lourdes Judith Capucion at nakumpiska sa kanya ang dalawang kahon ng test kits na tinatayang nagkakahalaga ng P486,000.
Sunod na isinagawa ang operasyon sa isang condominium sa Ermita, Manila, kung saan natiklo sina Joy Anne Llorca alyas Jas Fernando, Oliver Ong at Julius Caesar Ilagan matapos ang online transaction sa pulis na nagpanggap na buyer.
Nakuha sa kanila ang 5 kahon ng test kits na tinatayang nagkakahalaga ng P450,000.
Mahaharap ang mga suspek sa paglabag sa Section 10 ng RA 9711 o Food and Drug Administration (FDA) Act of 2009
Pinag-iingat naman ni Ferro ang publiko laban sa mga nagsasamantala sa pagtaas ng mga nagpopositibo sa COVID-19 sa bansa.
Hindi minasama ng kampo ni Presidential Aspirant at dating Sen. Ferdinand “Bongbong” Marcos ang ginawang pag-ampon ng PDP-Laban Cusi faction sa kaniyang running mate na si Davao City Mayor Sara Duterte Carpio.
Ayon kay Atty. Vic Rodriguez, Chief of Staff at Tagapagsalita ni BBM, malaya ang PDP-Laban na ampunin si Mayor Sara at wala namang batas na nagbabawal dito.
Ipinabatid sa kanila LAKAS CMD at ng Hugpong ng Pagbabago na partido ng Presidential Daughter na walang nangyaring anumang pirmahan sa pagitan nila at ng PDP-Laban.
Malinaw aniyang indikasyon ito ng pagpapatibay ng alyansa sa pagitan nila BBM at Mayor Sara bilang magkatambal sa Halalan 2022.
Basta’t sa panig ng Partido Federal ng Pilipinas na siyang partido ni Marcos at ng UniTeam, sinabi ni Atty. Rodriguez na ang hakbang ng PDP-Laban na ampunin si Mayor Sara sa kanilang partido ay lubos nilang iginagalang.
Naniniwala ang Armed Forces of the Philippines (AFP) at Philippine National Police (PNP) na makatutulong sa nation building ang panukalang mandatory military service sa mga kabataan.
Ayon kay AFP spokesman, Col. Ramon Zagala, napapanahon ang naturang panukala lalo’t humaharap ang bansa sa mga pinakamabibigat na hamon gaya ng pandemya, national security at terorismo.
Binigyang-diin naman ni PNP spokesman, P/BGen. Roderick Alba, na maliban sa internal security ay mapapataas din nito ang kamalayan ng mga Pilipino pagdating sa disiplina at pagsunod sa batas.
Sinabi pa ni Alba na importanteng magkaroon ng angkop na kakayahan ang publiko na kumilos sa panahong higit na kinakailangan kaysa manatiling nakamasid at walang ginawa kundi pumuna.—mula sa ulat ni Jaymark Dagala (Patrol 9)
Umakyat na sa 242 ang kabuuang bilang ng mga nahuling lumabag sa pina-iiral na election gun ban ng COMELEC sa buong bansa
Batay ito sa datos ng Philippine National Police (PNP) ngayong Biyernes, kung saan nakapagtala ng 20 bagong lumabag kabilang na ang isang sundalo.
Nagmula ang mga naitalang lumabag sa National Capital Region (NCR), Ilocos, Central Luzon, Western Visayas, Central Visayas, Eastern Visayas at Zamboanga Peninsula.
Nasamsam ng awtoridad sa kanilang operasyon ang may 14 baril, 4 deadly weapons at 116 na mga bala.
Umabot naman sa 38,279 ang isinagawang checkpoint sa iba’t ibang bahagi ng bansa sa pagpapatupad ng gun ban.
Patay ang 29 katao matapos magkagulo at magkaroon ng stampede sa isang simbahan sa Monrovia, Liberia.
Batay sa ulat, nagsimula ang kaguluhan matapos sumugod ang isang grupo ng mga armadong lalaki at magtangkang magnakaw.
Kilala ang Liberian street gang bilang Zogos na karaniwang gumagawa ng pagnanakaw.
Tumanggi namang magkomento ang mga otoridad hinggil dito ngunit patuloy anilang iniimbestigahan ang indisente.
Nagdeklara naman ang pangulo ng Liberia na si George Weah ng tatlong araw na National Day of Mourning. —sa panulat ni Mara Valle
Nagpahayag din ng pagsuporta ang Department of National Defense sa panukalang mandatory Military Service ni Davao City Mayor at Vice Presidential aspirant Sara Duterte-Carpio.
Ayon kay Defense Sec. Delfin Lorenzana, maganda naman ang layunin ng panukala dahil tiyak na darami ang reserve force ng Armed Forces of the Philippines na handang idepensa ang bansa at tumulong sa Disaster at Humanitarian relief.
Magkakaroon din aniya ng pagsasanay ang publiko at mabibigyan ng tamang disiplina at maipauunawa sa kanila ang kahalagahan ng patriotismo o pagmamahal sa bayan gayundin ang pagmamalasakit sa bansa.
Gayunman, aminado ang Kalihim na may kaakibat na hamon ang pagpapatupad ng mandatory military service partikular na ang budget na kakailanganin para sa pagtatayo ng mga pasilidad para sa pagsasanay na isasagawa kada taon.
Kaya kung si Lorenzana ang tatanungin, sinabi nito na sa halip na Mandatory Military Service, mas makatutulong kung gagawing alternatibo ang Reserve Officers Training Course (ROTC) na siyang huhubog sa mga kabataan sa kanilang murang edad para ipagtanggol ang bansa. —sa ulat ni Jaymark Dagala (Patrol 9)
Kapwa naniniwala ang Armed Forces of the Philippines (AFP) at ang Philippine National Police (PNP) na makatutulong sa nation building ang panukalang mandatory military service sa mga kabataan.
Ayon kay AFP Spokesman, Col. Ramon Zagala, napapanahon ang naturang panukala lalo’t humaharap ang bansa sa mga pinakamabibigat na hamon tulad ng pandemiya, national security at terrorismo.
Hindi lang naman paghawak ng armas at pakikipagdigma ang hangarin ng mandatory military service dahil ini-aalok din nila ang iba pang kasanayan tulad ng disaster response at humanitarian assitance.
Sa panig ng Pulisya, binigyang diin ni PNP Spokesman, P/BGen. Roderick Alba na maliban sa internal security ay mapapataas pa ang kamalayan ng mga Pilipino pagdating sa disiplina at pagsunod sa batas.
Mahalaga aniyang magkaroon ng angkop na kakayahan ang publiko na kumilos sa panahong higit na kinakailangan kaysa manatiling nakamasid at walang ginawa kundi pumuna. —sa ulat ni Jaymark Dagala (Patrol 9)