Angelica Doctolero

Ika nga nila, prevention is better than cure. Kung kahandaan lang din naman ang pag-uusapan, kayang-kaya rin manguna ng Japan. Ang access kasi sa pagkain at inumin, inilapit na mismo sa mga residente kung sakali man na mayroong kalamidad na tumama sa kanilang bansa.

Kung saan matatagpuan ang mga vending machine na ito, eto.

Hindi na lingid sa kaalaman ng karamihan na isa ang Japan sa mga bansa na pinaka tinatamaan ng mga kalamidad katulad ng bagyo, lindol, at tsunami.

Kung darating man ang oras na masalanta na naman ang bansa, hindi na kakailanganin pa ng mga residente na maghintay sa pagdating ng mga ayuda dahil sa mga nagkalat na vending machines dito.

Pero take note, mayroong bagong uri ng vending machine sa Japan na kusang bumubukas para makakuha ng mga libreng inumin at pagkain ang mga residente sa tuwing mayroong inisyu na heavy rain warning o evacuation order matapos ang lindol.

Matatagpuan ang dalawang vending machines sa Western Coastal City of Ako na sinasabing vulnerable sa malalakas na lindol.

Ayon sa manufacturer, nais nilang mag-install ng mga nasabing vending machines sa buong bansa na naglalaman ng 300 inumin at 150 na emergency food items.

Bukod pa riyan, mayroon ding in-install na vending machine sa isang park sa Tokyo na ina-activate ng malalakas na lindol at may kakahayang maglabas ng emergency broadcast.

Mga netizen, sa tingin niyo ba ay kaya rin nating makasabay sa ganitong innovation?

Kadalasang sinasaway ng mga magulang ang kanilang mga anak dahil sa pagbababad sa computer at paglalaan ng mahabang oras sa paglalaro. Pero ang gamer na ito mula sa UK, nakaligtas mula sa medical emergency dahil sa tulong ng kaniyang kalaro na milya-milya ang layo.

Kung paano nakatulong ang gamer, eto.

Ka-chat ng noo’y 17-anyos na si Aidan Jackson mula sa Widnes, United Kingdom ang kaniyang kalaro at online friend na 20-anyos na si Dia Lathora mula sa Texas nang bigla na lang magkaroon ng seizure si Aidan.

Bagama’t limang milya ang layo sa isa’t isa, mula sa texas ay tumawag si Dia sa mga pulis sa UK para ipaalam ang emergency na nangyayari sa bahay ng mga Jackson.

Nasa first floor ng kanilang bahay ang mga magulang ni Aidan at nanonood ng TV nang may dumating na mga pulis sa tapat ng kanilang bahay.

Nang makausap ng nanay ni Aidan na si Caroline ang mga pulis, sinabi ng mga ito na nagmula pa sa America ang natanggap nilang tawag na mayroong emergency sa kanilang bahay at doon lang nito nalaman na nagsi-seizure ulit ang kaniyang anak.

Nauna na kasing nag-seizure si Aidan bago pa ang insidente at naghihintay na lang sa susunod niyang appointment.

Samantala, ayon naman sa kaibigan ni Aidan na si Dia, sa pamamagitan ng kaniyang headset ay nadiskubre niya na nagsi-seizure si Aidan, at nang hindi na ito sumagot pa ay tumawag na si Dia ng tulong.

Labis namang nagpasalamat si Caroline kay Dia na nakagawa ng paraan para tumulong kahit milya ang layo nito sa kanila.

Gayunpaman, ayon kay Caroline ay naging maayos naman ang lagay ni Aidan matapos ang insidente.
Sa mga gamers diyan, maaasahan niyo rin ba ang mga online friends niyo na saluhin kayo sa totoong buhay at hindi lang sa laro?

The tables have turned. Kung noon mga kriminal lang ang ipinahuhuli at ipinapapatay, ibahin niyo ang kaso na ito dahil isang police dog ang tinutugis ng mga kriminal dahil sa galing nito na makaamoy ng mga iligal na droga.

Kung ano ang hakbang na ginawa ng mga kriminal, eto.

Mahusay sa kaniyang trabaho bilang drug sniffer ang German Shepherd na si Sombra mula sa Colombia.

Sa katunayan, sa sobrang husay nito sa kaniyang trabaho, gusto itong ipa-dakip at ipapatay ng mga drug smugglers dahil umabot na ng 200 ang nahuli at tone-toneladang mga iligal na droga na ang nakumpiska dahil sa kaniya.

Ang aso, tila isang most wanted criminal dahil ang mga criminal organizations, nag-alok pa ng pabuya na $70,000 o mahigit 3 million pesos sa kagustuhan na dispatsahin ito.

Ayon sa isang pulis, nakakasagabal umano si Sombra sa transaksyon ng mga kriminal para mag-alok ang mga ito ng malaking halaga ng pera para ipapatay.

Dahil sa mga natatanggap nitong death threats, inilipat si Sombra sa Bogota International Airport mula sa pagdu-duty nito sa Atlantic Coast Ports kung saan madalas ipinadadala ang mga produkto ng isang drug gang.

Samantala, bukod sa nagdestino sa mas ligtas na lugar ang police dog, mayroon an rin itong sariling security guards para higit pang protektahan mula sa mga nagtatangka sa buhay nito nang dahil lang ginampanan nito ang kaniyang trabaho.

Sa may mga binabalak na masama diyan, itigil niyo na ang mga iligal na transaksyon niyo at baka maisahan pa kayo ng isang aso.

Sa sobrang sikat ng masalimuot na kwentong pag-ibig nila Romeo at Juliet, ikinwento na ito sa magkakaibang mga pelikula at stage plays kung saan iba’t ibang aktor ang gumanap, hindi na kataka-taka na mayroon na naman itong bagong version. Pero this time, hindi na ito mga tao kundi mga construction trucks.

Kung naging matagumpay ba ang first acting gig ng mga truck, eto.

Kung gusto mong subukin ang creativity at imagination mo habang nanonood, i-challenge mo na ito sa pamamagitan ng pagnood sa pinakabago at pinaka kakaibang version ng Romeo and Juliet.

Sa Estonia kasi, ginawa ng independent theater na Kinoteater ang sarili nilang version ng nasabing hit movie kung saan hindi na kinailangan pang magpa-audition dahil hindi mga tao ang cast nito kundi mga construction trucks.

Sa version na ito na pinamagatang “Romula & Julia”, isang kulay pulang pickup truck ang gumanap na juliet, habang isa namang rally truck ang gumanap bilang romeo.

Sinamahan din ang mga ito ng mga truck ng bumbero, mga bus, at mga truck ng semento na mayroon pang disenyo na mga puso.

Bukod sa pagsalang ng mga truck na ito sa entablado, tila umarte rin ang sampung drivers, dalawang mekanino, at isang pyrotechnics expert na nag-operate ng mga makina.

Ayon sa co-director na si Paavo Piik, experimental ang ginawa nilang play para tingnan kung posible bang magkapag-deliver ng emosyon katulad ng pagmamahal ang mga nasabing machines.

Bukod sa pag-ikot at pagsasagawa ng tricks, gumamit din ng fireworks at music sa play for additional feelings.

Bagama’t halos walang nagsalita sa play na ito at walang kakayahan na magpakita ng emosyon ang mga truck, sinabi ng isa sa mga nakapanood na naibigay pa rin ng mga makina ang tamang emosyon na dapat ipakita sa mga manonood.

Ikaw, gugustuhin mo rin bang panoorin ang play na ito and let your imagination do the works?

Kaniya-kaniya na talaga ng paraan ang mga mandurugas ngayon para lang makakulimbat ng easy money. Katulad na lang ng mga scammers na ito sa China na binentahan ang isang lalaki ng gym membership na kung saan ay kikita rin daw siya ng pera.

Kung anong modus ang ginamit sa kawawang lalaki, eto.

Tatlong taon nang parokyano ang Chinese man na tinawag na si Mr. Jin sa Ranyan Fitness Gym. Dahil matagal nang suki, in-offer-an ito ng gym membership na isa ring possible sideline para sa lalaki.

Ayon mismo kay Mr. Jin, nagkakahalaga ng 8,888 yuan o mahigit 70,000 pesos ang membership card sa nasabing gym.

Sinabi umano ng salesperson na kapag naibenta nila ang gym membership card ni Jin sa ibang customer sa halagang 16,666 yuan o mahigit 132,000 pesos ay matatanggap ni Jin ang bayad bukod sa 10% commission na parte ng gym.

Bukod pa rito, may iba pa umanong promo ang gym kung saan ipinangako na mas malaki pa ang kikitain ni Mr. Jin. Ang gym memberships sa nasabing gym, lumalabas na isang investemnt.

Nangako rin ang Ranyan Fitness Gym na kapag hindi nila naibenta ang gym card ni Mr. Jin sa loob ng dalawang buwan ay makakatanggap ito ng refund.

Sa huli, nagbayad ang lalaki ng 130,000 yuan o mahigit 1 million pesos para sa gym memberships para sa 1,200 sessions ng fitness classes at 300 years of gym memberships.

Pero nang dumating ang araw na dapat ay makakatanggap na ng refund si Mr. Jin, naglaho na lang na parang bula ang mga tauhan ng Ranyan tangay ang kaniyang pera.

Sa kasamaang palad, huli na nang madiskubre na ang nakasaad pala pinirmahan palang mga kontrata ni Mr. Jin ay non-transferable ang mga binayaran nitong gym memberships at benefits.

Samantala, umaasa pa rin si Mr. Jin na maibalik sa kaniya ang ininvest niyang pera kung kaya nagsampa na ito ng kaso laban sa mga mambubudol.

Sa mga gym rat diyan, ingat-ingat sa pagpirma sa mga kontrata at baka mapilitan kayong mabuhay ng mahigit isandaang taon para lang masulit niyo ang binayaran niyong gym membership.

Mala-drama ang naging eksena sa isang eskwelahan sa South Korea dahil sa panghihimasok ng nanay at tutor ng isang estudyante sa mismong eskwelahan para nakawin ang exam papers at mapanatili ang valedictory spot ng bata.

Kung ano ang kinahinatnan ng nanay at ng tutor, eto.

Pasado alas dos ng madaling araw nang pumasok sa isang all girl’s school na matatagpuan sa Andong, North Gyeongsang sa South Korea ang nanay ng isang estudyante kasama ang tutor ng kaniyang anak na dati palang guro sa nasabing eskwelahan.

Gamit ang hindi pa binuburang biometrics ng tutor sa school’s security database, nakapasok ang mga ito sa eskwelahan at nagtungo sa faculty offices kung nasaan ang mga exam papers.

Sa pamamagitan ng CCTV cameras, nabisto ang ginawang panghihimasok ng nanay at ng tutor sa eskwelahan kung kaya agad ding naaresto ang mga ito makalipas lang ang ilang oras.

Suspetya ng mga otoridad na ginawa na rin ng tutor ang kaparehong stunt dahil nakita sa bank records nito na nakatanggap ito ng 2 million won o mahigit 80,000 pesos mula sa nanay ng estudyante kapag kasagsagan ng exams.

Bukod pa riyan ay kinumpirma rin ng eskwelahan na pitong beses nanghimasok sa kanila ang tutor matapos nitong mag-resign.

Hinihinala rin na sinuhulan nito ang facilities manager para mabura ang mga ebidensya sa CCTV.

Ang suspetya ng mga pulis, nagawa ito ng mga suspek para mapanatili ang mataas na grades at ang pagiging top student ng bata sa eskwelahan.

Samantala, na-invalidate ang lahat ng test results ng bata at na-expell sa eskwelahan. Habang ang mga suspek naman ay patuloy na iimbestigahan dahil sa patung-patong na kaso.

Sa mga mahilig manood ng mga pelikula at series diyan, pamilyar ba sa inyo ang kwento na ito?

Kung nasanay tayo sa kwento ng magkaaway na daga at pusa, maiba tayo ngayon dahil sa London, mayroong dalawang daga na nakuhanan ng litrato na nag-aaway, at ang chance encounter na ito, nagdala pa ng karangalan sa isang photographer.

Kung bakit nag-away ang mga daga, eto.

Sinong mag-aakala na ang isang simpleng video na natanggap ng wildlife photographer na si Sam Rowley mula sa kaniyang kaibigan kung saan makikitang nagtatalo ang dalawang daga ay ang magpapanalo sa kaniya sa isang contest.

Dahil sa ideya na ito, limang araw na nagpabalik-balik si Rowley sa London underground platform para tyempuhan ang dalawang daga na pakalat-kalat sa nasabing istasyon.

Ayon sa mga ulat, hindi na bago sa mga pasahero ang mga nasabing daga dahil paikot-ikot umano ang mga ito sa train station at magkahiwalay na nangangalakal ng mga pagkain.

Dahil sa pagbabaka sakali, umabot pa sa punto na dumapa si Rowley sa sahig ng platform para lang makakuha ng perfect shot ng mga daga.

Sa pagpapabalik-balik ni Rowley sa istasyon, nakuhanan din nito ng litrato ang dalawang daga at nagkataon pa na nag-aaway ang mga ito dahil sa pag-aagawan sa mga tira-tirang pagkain na nahuhulog mula sa mga pasahero.

Nagbunga naman ang ilang araw na pag-aabang ni Rowley sa mga daga dahil ang kaniyang litrato na pinamagatang ‘Station Squabble’ ay nakakuha lang naman ng 28,000 votes.

Bagama’t inamin ni Rowley na tila na-weirduhan ang mga pasahero sa ginawa niyang pag-aabang sa mga daga, naging sulit naman ito dahil si Rowley ang nag-uwi ng Wildlife Photographer of the Year Lumix People’s Choice Award mula sa London’s Natural History Museum.
Samantala, ayon sa director ng museum na si Michael Dixon, ipinapakita ng litrato ng mga daga kung paano gumagalaw ang mga hayop sa mundo ng mga tao at nagsisilbing paalala sa kaugnayan ng mga tao at kalikasan.

Sa mga aspiring photographers diyan, mayroon din ba kayong nakuhanang kakaibang litrato na maaaring maging isnag winning shot? Kung ganon, pwede niyo bang i-share ang kwento sa likod nito?

Apat na detainees sa argentina ang panandaliang nakalaya mula sa pagkakakulong. Hindi dahil sa pagpipyansa, kundi dahil isang pulis mismo ang nag-release sa kanila para utusang tumulong sa kaniyang wedding preparations.

Kung ano ang kapursahang ipinataw sa pulis, eto.

Parusa ang inabot ng isang Argentinian police matapos nitong palayain ang apat na bilanggo sa istasyon na kaniyang pinagtatrabahuhan, hindi dahil tapos na ang mga ito sa kanilang sentensya, kundi para pakilusin ang mga ito sa kaniyang wedding day.

Ayon sa mga local reports, ang mga pinalayang detainee ay nagsilbing crew sa kasal ng pulis.

Mayroong pinag-ihaw, nagluto, nag-ala waiter, at taga-linis.

Bukod pa riyan, malapit lang din ang venue na pinagganapan ng kasal sa kulungan ng mga prisoners na hindi malinaw ang dahilan ng pagkakakulong.

Matapos umekstra ng mga ito sa special day ng pulis ay bumalik ang mga ito sa likod ng mga rehas.

Ayon sa prosecutor na si Guillermo Sancho, maswerte ang nasabing pulis na walang nagtangkang tumakas sa mga pinalaya nitong detainees.

Gayunpaman, pinatawan na ng labinlimang buwan ng suspended sentence ang pulis dahil sa pang-aabuso nito sa kaniyang kapangyarihan.

Sa mga may makapangyarihang posisyon diyan, huwag abusado at gamitin nang tama ang pwesto. Dahil ang trono mo, hindi habangbuhay nasayo at kayang-kayang agawin ng kahit na sino.

Bukod sa may kaniya-kaniya tayong trip, may kaniya-kaniya rin tayong paraan para maibsan ang stress. Pero ni minsan ba ay sumagi sa isip mo na bukod sa mga babies ay mapapakinabangan ng mga adults ang pacifier bilang stress reliever?

Curious ka na ba sa kung paano nila nasabing nakakatanggal ito ng stress? Ang eksplanasyon ng mga eskperto, eto.

Trending ngayon ang kakaiba at makabagong pang tanggal-stress ng mga adults sa China na adult pacifiers na nagkakahalaga ng 10 at 500 yuan o may katumbas na 80 at 4,000 pesos.

Kakaiba at bago man sa pandinig dahil alam naman nating lahat ang tunay na purpose ng pacifiers, minamarket na ito ngayon sa mga Chinese online shopping platforms bilang stress reliever para sa mga adults.

Nakakatulong din umano ito sa pagtulog at pag-manage ng anxiety.

Kung ano ang eksplanasyon kung bakit nga ba tila bumabalik ang mga adults sa gawain ng mga bata?

Ayon sa Chinese psychologists, hango ang trend na ito sa concept na Regression Phenomenon kung saan hindi sinasadyang nanunumbalik ang isang indibidwal sa earlier stage of development ng mga tao.

Sa kasong ito, ang pacifier na ginagamit ng mga baby ay nagbibigay ng security at comfort sa mga adults.

Samantala, bagama’t may mga benepisyo, delikado rin ang adult pacifiers, partikular na sa oral health dahil ayon kay Dr. Tang Caomin ng Sichuan University’s Huaxi’s College of Stomatology, magkaiba ang oral structure ng mga babies sa mga adults.

Maaari rin itong magdulot ng joint pain and disorderss, clicking sounds, at limitadong pagbuka ng bibig, habang ang matagal na paggamit naman nito ay maaaring magdulot ng mucosal damage at ulcer.

Sa mga stressed na sa buhay diyan, mayroon din ba kayong kakaibang trip na epektibong pangtanggal ng stress?

Kadalasan ay alagang-alaga at mahigpit na binabantayan ang mga bata para maiiwas sa kapahamakan, pero ibahin niyo ang kaso na ito sa New Zealand dahil isang bata ang isinilid sa isang maleta at inilagay pa sa mainit na compartment ng bus.

Kung ano na ang kalagayan ng bata matapos ang insidente, eto.

Binuksan ng bus driver ang luggage compartment ng kaniyang bus nang mag-request ang isang pasahero na buksan ito habang nakahinto sila sa Kaiwaka, North New Zealand.

Dito napansin ng driver ang isa sa mga kargang bagahe ng bus ay gumagalaw.

Inobserbahan muna ng driver ang maleta bago tuluyang binuksan at doon nadiskubre ang isang dalawang taong gulang na batang babae.

Dahil sa pagkabahala ay agad na humingi ng tulong ang driver sa mga otoridad at nang dumating ang New Zealand Police ay napag-alaman na ligtas ang bata ngunit mainit ang katawan nito.

Bukod pa riyan, hindi rin tukoy kung gaano katagal na nakasilid sa loob ng maleta at ng luggage compartment ang bata, o kung aling mga lugar ang dinaanan ng nasabing bus.

Matapos nito ay inaresto ang isang hindi tukoy na 27-anyos na babae na siyang naglagay sa bata sa nasabing compartment. Hindi rin malinaw kung ano ang kaugnayan nito sa biktim at nahaharap sa kasong ill-treatment or neglect of a child.

Samantala, nakaligtas naman ang bata matapos dalhin sa ospital ang bata at sumailalim sa medical assessment.

Sa mga magulang diyan, ano sa tingin niyo ang karampatang parusa na dapat matanggap ng babae?