Iniluluwas sa higit 80 bansa ang mga makabagong agricultural trucks o equipment na nilikha ng Golddafeng, na isa sa mga nangungunang kumpanya sa China pagdating sa paggawa ng mga makinang pang-agrikultura.
Ayon kay Company International Director Amy Wei, kabilang sa kanilang mga produkto ang combine harvester para sa palay, trigo, mais, soybean, at mani, gayundin ang mga traktora at iba pang kagamitang pansakahan.
Kabilang sa pangunahing merkado ng Golddafeng ang Southeast Asia, South America, Eastern Europe, Africa, at Central Asia.
Mayroon na rin aniya silang mga subsidiary sa Indonesia, Hong Kong, at Pilipinas na patunay ng patuloy na paglawak ng operasyon nito sa pandaigdigang merkado. | via Jopel Pelenio (Patrol 17)
