Angelica Doctolero

Bukod sa mga magulang, dapat ding pasalamatan ang mga guro na matyagang iniaalay ang kanilang buhay at kaalaman para makasigurado na handa ang mga estudyante sa pagtatapos nila ng pag-aaral. Katulad na lang ng dedicated teacher na ito na nakuhanang nagtatrabaho pa rin hanggang sa huling sandali ng kaniyang buhay.

Kung ano ang kwento ng dedicated teacher na ito, eto.

Taong 2020 nang mag-viral ang pinost ni Sandra Venegas na picture ng kaniyang ama habang nakaupo sa hospital bed nito at nagtatrabaho sa kaniyang laptop.

Ang tatay kasi ni Sandra na si Alejandro Navarro ay isang mathematics teacher sa Del Rio Middle School na matatagpuan sa Del Rio, Texas.

Ayon kay Sandra, siniguro ng kaniyang ama na kasama ang laptop at charger nito sa mga gamit na dadalhin nila sa ospital nang kinailangan itong i-admit.

Bagama’t may iniindang sakit, pinairal ni Alejandro ang pagiging selfless at kahit na nasa ICU ay ginawa pa rin nitong priority ang pagche-check sa papel ng mga estudyante at pagfa-finalize ng grades ng mga ito para sa progress report.

Sa kasamaang palad, matapos asikasuhin ni Alejandro ang grades ng mga estudyante ay binawian din siya buhay.

Sa kaparehas na post, nagbigay-pugay si Sandra sa lahat ng mga guro na hindi ininda ang pandemya at sariling kalusugan basta’t maibahagi lang sa mga estudyante ang personal nilang kaalaman.

Nagpaalala rin ito sa mga kaanak ng mga guro na huwag pagtrabahuhin ang mga ito kapag hindi na oras ng trabaho at hikayatin na magpahinga.

Bagama’t kadalasan ay hindi nagbibigayng pagkilala ang ginagawang sakripisyo ng mga guro, nagsisilbing paalala ang kwento ni Alejandro na bukod sa mga magulang, nandito ang mga guro na matyagang gumagabay at nagsisilbing instrumento para mapunta sa tamang landas at mahubog ang mga estudyante para sa kaniya-kaniya nilang mga kinabukasan.

Sa mga estudyante diyan, naaalala niyo pa ba na magpasalamat sa mga teacher niyo o nagagawa niyo lang ito kapag teacher’s day?

Sakit ng katawan dulot ng injuries ang inabot ng isang lalaki sa India na gusto lang naman sanang makipag-selfie sa isang elepante. Ang problema nga lang, nagulat ang elepante sa flash ng kaniyang cellphone at bigla na lang nanghabol.

Kung ano ang sinapit ng lalaki matapos habulin ng elepante, eto.

Kumakalat ngayon sa social media ang video ng isang lalaki na hinahabol ng isang malaking elepante sa Karnataka, India.

Ayon sa mga ulat, kinilala ang lalaki na si R. Basavaraju na nag-trespassing umano papasok sa isang restricted area kung nasaan ang nasabing elepante.

Pero paano nga ba nangyaring hinabol ng elepante ang lalaki gayong makikita sa video na malayo ito sa elepante at nasa magkabiling gilid ng kalsada?

Ayon sa mga saksi, sinubukan umanong mag-selfie ni Basavaraju kasama ang elepante. Pero ang flash ng camera nito, nakabukas pala at naging dahilan pa para magulat ang elepante.

Mula sa pagkain ng mga carrots sa gilid ng kalsada, mabilis na tinawid ng elepante ang makitid na daan at hinabol ang lalaki na agad namang kumaripas ng takbo.

Bukod sa laki ng mga hakbang ng elepante, biglang napatid ang lalaki at nadapa sa gilid ng kalsada kung kaya agad itong naabutan ng na-trigger na hayop.

Doon na nakakuha ng tyempo ang elepante at inapakan ang nakadapang lalaki.

Dahil sa diin at lakas ng impact ng pagkakaapak, napunit at nahubad ang suot na pantalon ng lalaki, dahilan para makitaan pa ito ng puwitan.

Matapos nito ay naglakad papalayo ang elepante papunta sa gubat.

Ayon sa isa sa mga saksi na si Daniel Osorio, ang bayolenteng tagpo sa pagitan ng elepante at ng lalaki ay nagsilbing paalala sa mga tao na maging marespeto sa mga hayop at sa mga guidelines na dapat sundin sa tuwing lalapit sa mga wildlife species.

Samantala, nakaligtas naman si Basavaraju sa insidente matapos isugod sa ospital ngunit dahil sa ginawa nitong trespassing ay kinakailangan nitong magbayad ng multang 25,000 rupees o mahigit 16, 000 pesos, at magpasa ng video kung saan inaamin nito ang kaniyang kasalanan.

Sa mga pasaway diyan, ilugar lang dapat ang katigasan ng ulo kung ayaw niyong sakit ng katawan ang ibalik ng pagiging maligalig niyo.

Napatunayan ng isang lalaki mula sa United States na basta’t paiiralin ang sipag, tyaga, at determinasyon, siguradong magagawa mong baguhin ang buhay mo. Ang lalaki kasi, mula sa pagiging school janitor for 27 years, na-promote bilang principal ng kaparehong eskwelahan.

Kung paano ito nagawa ng lalaki, eto.

Isang semestre pa lang ang natatapos noon sa kolehiyo ni Joseph ‘Gabe’ Sonnier nang huminto ito sa pag-aaral para tulungan ang kaniyang single mom sa pagtatrabaho at namasukan sa contruction site, grocery store, sawmill, at sa Port Barre Elementary kung saan naging janitor ito sa loob ng 27 taon.

Sa pagtatrabaho ni joseph sa eskwelahan, hindi nito nalimutan ang naging pag-uusap nila ng principal na kinilalang si Wesley noong 1985. Ayon sa principal, gusto siya nitong makita na maging isang educator at markahan ang papel ng mga estudyante sa halip na pulutin ang mga ito.

Ilang taon ang nakalipas, hindi nawala sa puso at isipan ni Joseph ang sinabi ng principal kung kaya walang pagdadalawang-isip itong bumalik sa pag-aaral sa edad na 39-anyos.

Naging routine ni Joseph ang pagpasok sa trabaho ng 5-7 a.m. pagkatapos ng duty ay tatakbo na ito patungo sa Louisiana State University Eunice kung saan ito nagtapos ng General Studies at Elementary Education naman sa University of Louisiana. Hindi pa nakuntento si Joseph at nag-masteral pa.

Makalipas ang 27 taon na paglilinis sa eskwelahan, na-promote na si Joseph bilang principal nito. Bagama’t tumaas na ang posisyon nito, tila hindi maiaalis kay Joseph ang paglilinis dahil nagprisinta ito na siya mismo ang maglilinis sa kaniyang opisina tuwing gabi.

Bukod sa mahaba nitong journey bago natagpuan ang kaniyang calling, nagsilbi pang inspirasyon si Joseph sa ibang school staff na kumuha rin ng mag-master’s degree.
Sa mga pinanghihinaan na ng loob diyan, wag ka munang susuko. Dahil kung talagang gusto mo na may mangyari sa buhay mo, kailangan mong tyagain ang laban bago ka manalo.

Madadagdagan na ang options at chances para sa mga magkasintahang nahihirapang makabuo ng anak dahil mayroong makabagong innovation ang China na maaari nang pumalit sa pagha-hire ng surrogate mothers. Kung ano ito? Isa lang namang robot na may kakayahang magbuntis.

Kung paano ito magagawa ng robot, eto.

Maniniwala ka ba na kahit napakarami nang kayang gawin ng AI at ng mga robot, madadagdagan pa ito at maaari na ring ma-achieve ang bagay na tila imposible.

Sa China kasi, in progress na ang ‘pregnancy robots’ na nagmula sa ideya ng founder ng Kaiwa Technology na si Dr. Zhang Qifeng.

Bubuuin ang pregnancy robots na kahalintulad sa katawan ng mga babae at magkakaroon ng artificial womb o sinapupunan na ii-implant sa tiyan nito.

Sa pamamagitan ng hose, matatanggap ng ipagbubuntis nitong sanggol ang mga kinakailangan nitong nutrients. Bukod pa riyan, ang pinagkaiba nito sa mga tunay na babae ay sampung buwan itong magdadalntao.

Pero dahil nasa development stage pa ang robot, hindi pa malinaw kung paano ang magiging proseso ng pagtatanim ng egg at sperm cells sa robot at kung paano ito manganganak.

Kung magiging matagumpay man ang pagbuo sa innovation na ito ilalabas na ito sa susunod na taon at magkakahalaga ng $14,000 o halos 800,000 pesos ang serbisyo.

Ikaw, sa tingin mo ba ay magkapareho pa rin ang magiging kalidad ng buhay ng isang bata kung ipagbubuntis ito ng isang robot?

Naging biruan sa social media na kapag gumawa ka ng kabutihan, plus points ka sa langit o more chances na paakyatin at tanggapin ka roon. Pero ang Irish man na ito, nag-donate nang nag-donate ng pera para i-secure ang kaniyang spot sa heaven dahil mayroon daw nagsabi sa kaniya na iyon ang sagot.

Kung sino ang nagsabi sa lalaki, eto.

Kumita ng $700,000 o P39 million ang 40-anyos na farmer mula sa Ireland matapos ibenta ang kaniyang farm at idinonate ang higit sa kalahati nito sa mga mahihirap.

Ayon sa lalaki, ang Diyos mismo ang nagsabi sa kaniya na kapag ipinamigay niya ang mga pera niya ay mapupunta siya sa langit.

Dahil sa ipina-practice nito na generosity, sinabi ni Justice Michael Twomey na nadiskubre niya na walang kaabog-abog na nagbigay ng 1,000 Euros o mahigit P66,000 ang lalaki sa isang homeless.

Sinabi naman sa korte ng Solicitor na si Katherine Kelleher na umabot na ng 38,000 euros o mahigit P2 million ang naipamigay ng lalaki pagkalipas lang ng ilang linggo.

Dahil sa posibilidad na simutin ng lalaki ang pinagbentahan ng kaniyang farm, nakiusap si Katherine sa high court na magtalaga ng magpoprotekta sa lalaki at sa panganib na maaaring dalhin ng labis-labis na pamimigay nito ng malaking halaga ng pera.

Samantala, sumangayon naman si Justice Twomey na gabayan ang lalaki.

Sa mga makasalanan diyan, mayroon din ba kayong ginagawang hakbang para magkaroon ng plus points sa langit?

Inulan ng kritisismo ang pa-raffle ng Jollibee para sa inaabangang Coke Studio Concert mula sa mga netizen online dahil sa hinihinalang AI-generated names ng mga nanalo.

Kung ano ang paliwanag ng Jollibee sa kontrobersya na ito, eto.

Inilabas nitong nakaraang buwan sa Facebook page ng sikat na fastfood chain na Jollibee ang mechanics para sa kanilang collaboration sa Coke Studio na tinawag na Burger Blowout kung saan kinakailangan ng mga customer na bumili ng piling burger meals mula sa mga participating stores para makakuha ng raffle entry at manalo ng ticket para sa gaganaping Coke Studio Concert.

Base sa mechanics, tatakbo ang promotion mula July 17 hanggang August 24, 2025 kung saan nahahati sa major at minor prizes ang maaaring matanggap ng mga mapalad na manalo.

1,750 participants ang maaaring manalo ng major prizes. Ang bawat isa ay makakatanggap ng dalawang tickets para sa Coke Studio Live concert na gaganapin sa Araneta Coliseum, alas kwatro ng hapon sa September 5, 2025.

Habang tumataginting na 68,250 winners naman ang makakatanggap ng minor prizes na regular Jollibee crispy fries, regular coke float, at regular tuna pie.

July 27 nang i-announce ng Jollibee sa kanilang Facebook page ang major and minor winners sa first draw, at August 3 naman inilabas ang list of winners ng second draw.

Pero pagdating ng ikatlong linggo ng pag-a-announce ng winners, kinwestyon ng mga netizen kung AI-generated ba ang ilan sa mga nakalistang pangalan katulad ng Bonita Gulgowski, Albert Goldner, at Norbert Pfannerstill.

Matapos nito ay agad na naglabas ng statement ang Jollibee at sinabing nakikipag-ugnayan sila sa Department of Trade and Industry (DTI) sa pagre-review ng issue at pansamantala munang ipagpapaliban ang mga susunod na raffle draws.

Ayon sa Jollibee, nadiskubre nila mayroong fraudulent third parties na nagpasa ng multiple entries sa kanilang system.

Para panatilihin fairness, dinisqualify na ang mga invalid major prize winners mula sa week 3 draw at magsasagawa ng re-draw at special raffle.

Samantala, nagpaalala ang jollibee na hindi for sale ang tickets para sa nasabing concert kung kaya huwag bibili sa mga unauthoried sources.

Ikaw, ipaglalaban mo rin ba ang raffle entries mo sa ngalan ng mas murang halaga na concert tickets?

Drop your things and leave them behind. Hindi mo na kailangang maaligaga na baka may maiwan kang gamit sa pagpasok mo sa eskwelahan o trabaho. Dahil sa China, literal na everything is in your hands. Sa isang kaway mo lang, bayad ka na. Yan ang bagong mode of paymnet sa China kung saan hindi mo na dadalhin pa ang wallet mo dahil palad mo lang ang kailangan mo.

Ang detalye ng makabagong teknolohiya na ito, eto.

Sa dami ng commuters na nagsisiksikan sa mga public transportations, bukod sa pangamba na masalisihan ng mga kawatan, nagsisimula rin ang traffic sa pila sa ticketing booths at pagta-tap ng key card, partikular na sa mga istasyon ng tren.

Pero ang China, pinatunayan na naman na pagdating sa teknolohiya at innovations ay mayroon silang ibubuga.

Ang bagong innovation na ito, hindi na kailangan pang pagkagastusan dahil literal na nasa kamay niyo na ang sagot. Sa pagsa-scan lang ng palad, bayad na ang mga dapat mong bayaran.

Kung paano? Gumagana ito katulad ng facial recognition. Binabasa ng sensor ang mga palm print o mga guhit sa palad ng isang tao at ang patterns ng mga ugat nito.

Ito ang Weixin Palm Scan Payment na nagmula sa Chinese tech company na Tencent na siya ring nagmamay-ari sa application na Wechat.

Una itong ginamit sa express train sa Beijing Airport at Shenzhen University bago tuluyang ginamit sa mga convenience stores sa guangdong province.

Sa pamamagitan nito, hindi na kailangan pang pangambahan ang pagkawala at pagnanakaw ng cards at cash dahil sa isang kaway mo lang, bayad ka na.

Ikaw, sa tingin mo ba ay maiibsan nito ang araw-araw na pasanin ng mga commuter dito sa Pilipinas?

Sino ba naman ang hindi magseselos kapag napansin mo na tila mayroong favoritism ang mga magulang mo? Ganiyan ang naramdaman ng isang dalagita sa kaniyang kapatid at mas tumindi pa ito nang hindi umabot sa graduation ang kaniyang mga magulang matapos bilhan ng rare Labubu doll ang kaniyang kapatid.

Ang kwento ng dalagita, eto.

Katatapos lang mag-martsa ng isang 18-anyos na dalaga ayon sa kaniyang post sa isang discussion forum application. Sa kaniyang post, ibinahagi niya kung paano na-late ang kaniyang adoptive parents sa kaniyang graduation dahil sa paghahanap sa isang rare labubu doll.

Ang nasabing manika, kasalukuyan palang kinaaadikan ng kaniyang sampung taong gulang na babaeng kapatid na inilarawan niya bilang isang spoiled na bata at ang paborito ng kanilang mga magulang.

Ayon sa nag-post, nagseselos siya sa kaniyang kapatid. Sa sobrang spoiled nito, naninira umano ito ng mga gamit, nananakit, at naiinis kapag hindi nabibigyan ng atensyon.

Para iwasan ang kapatid, inabala niya ang kaniyang sarili sa pagsali sa mga club, sports, at pagtatrabaho. Halos tumira na rin ito sa bahay ng kaniyang boyfriend at sinabing tanggap siya ng pamilya nito.

Hanggang sa araw ng kaniyang graduation, doon umuwi ang babae sa bahay ng kaniyang boyfriend dahil ang kaniyang mga magulang, halos wala ng inabutan sa ceremony dahil sa paghahanap sa rare labubu doll para sa bunso niyang kapatid.

Matapos niyang hindi pansinin ang mga ito, humingi umano ng tawad ang kaniyang mga magulang at makailang beses na nag-text at tumawag sa kaniya.

Nagpadala pa umano ng pera ang mga ito dahil sa pag-aakala na ito ang kaniyang issue.

Pero ang poster, hindi nagpatinag at hindi pinansin ang efforts ng kaniyang mga magulang na ngayon ay nananakot na irereport siya ng mga ito at idedeklarang missing o runaway.

Samantala, pumanig naman sa poster ang mga commentators at sinabing nasa legal na edad na ito at hindi maaaring tawaging runaway.

Sa mga magulang diyan, anu-anong efforts ang ginagawa niyo para siguraduhing hindi makakaramdam ng inggitan sa isa’t isa ang inyong mga anak?

Tila intro sa isang horror movie ang naging tagpo sa pagbisita ng isang potential buyer sa bahay na bibilhin niya sana sa North Carolina. Ang natagpuan ng buyer, hindi nakakakilabot na antigong salamin o cabinet, kundi isang naaagnas na bangkay.

Kung may foul play nga ba sa kamatayan ng bangkay, eto.

Isang araw binista ng isang hindi tukoy na indibidwal ang isang bahay sa Statesvill, North Carolina dahil sa interes na bilhin ito.

Habang iniikot ang bahay para i-check ang kalagayan nito, nadiskurbe ng potential buyer sa likurang bahagi ng bahay ang naaagnas na bangkay ng isang tao.

Nang dumating naman ang mga tinawag nitong pulis ay hindi rin agarang natukoy ang pagkakakilanlan ng bangkay dahil may katagalan na itong patay ayon sa Iredell Sheriff’s County Office.

Pero matapos ang dalawang araw na pag-iimbestiga, napag-alaman ng mga otoridad na ang natagpuang bangkay sa likod ng bahay ay ang 50-anyos na si Kevin Queen na siyang naninirahan sa nasabing property.

Samantala, hindi na makapagbibigay pa ng karagdagang impormasyon ang North Carolina Office of the Chief Medical Examiner ngunit pinaniniwalaan na natural cause ang ikinamatay ng lalaki.

Sa mga nagbabalak na bumili o lumipat ng bahay, alamin niyo muna ang history ng bahay na tinatarget niyo at baka may iba pala kayong kasama na maninirahan diyan, hindi niyo nga lang nakikita.

Ika nga nila, take advantage of your strength. Ganiyan ang ginawa ng isang yoga master mula sa South Korea na talagang ginamit ang kaniyang flexibility para makatakas sa kulungan sa pamamagitan ng pagdaan sa napakakipot na butas.

Kung paano ito ginawa ng lalaki, eto.

Limang araw na nakulong sa isang police station sa Daegu, South Korea ang yoga master na si Choi Gap-Bok dahil sa hinalang pagnanakaw.

Pero maniniwala ka ba na isang araw habang nasa piitan ay nakatakas si Choi sa pamamagitan ng paglusot sa food slot, o ‘yung makitid na butas sa ibabang bahagi ng mga rehas kung saan inilulusot ang pagkain ng mga detainee.

Para maging smooth ang pagdaan ni Choi sa maliit na butas, nagpahid ito ng skin ointment sa kaniyang upper body.

Ayon sa local media, ang nilusutang butas ni Choi ay may taas na 5.9 inches at lapad na 17.7 inches.

Base sa iba pang mga ulat, tumagal lang ng 34 segundo ang pagtakas ni Choi na itinaon niya habang natutulog ang tatlong gwardiya.

Gumamit pa umano ng technique si Choi mula sa isang pelikula kung saan inayos nito ang kaniyang higaan sa paraan na magmumukhang natutulog lang siya sa loob ng kulungan.

Ikaw, alin sa mga kakaiba mong skills ang sa tingin mo ay magagamit mo kapag desperado ka na?