Niyanig ng magnitude 6 na lindol ang Southeastern Australia.
Naramdaman ang pagyanig sa mga lungsod ng Adelaide at Melbourne kung saan ilang gusali ang napinsala.
Nasa isanlibong kabahayan naman ang walang power supply matapos magbagsakan ang ilang poste.
Ayon kay Australian Prime Minister Scott Morrison, wala namang nasaktan sa malakas na pagyanig, na isa sa pinakamalakas sa kasaysayan ng kanilang bansa.
Bihirang tamaan ng lindol ang Australia dahil wala naman ito sa Pacific ring of Fire.—sa panulat ni Drew Nacino
