Naka-alerto ang Indonesia sa lahat ng uri ng terror attack.
Ayon kay Coordinating Minister for Political, Legal and Security Affairs Luhut Pandjaitan, nakahanda ang pamahalaan ng Indonesia lalo na sa cyanide attack o ang paglason sa kanilang military at police personnel.
Sinabi ni Panjaitan na nakatanggap sila ng intelligence report na pinagpaplanuhin ng mga militanteng grupo na lagyan ng cyanide ang pagkain ng mga sundalo’t pulis.
Dahil dito, hinigpitan na ng pamahalaan ang pagtanggap sa rasyon ng mga pagkain ng mga sundalo’t pulis doon.
Matatandaang target ngayon ng mga militante ang mga awtoridad dahil sa nadidiskaril ang plano ng mga itong maghasik ng karahasan bunsod ng mas pinaigting na crackdown ng pulisya laban sa mga rebelde sa Indonesia.
By Ralph Obina
Photo Credit: Reuters
