Patay ang dalawa katao habang apat naman ang sugatan sa pamamaril sa isang shopping center sa Boise, Idaho, USA.
Sa ngayon ay wala pang inilalabas na opisyal na detalye hinggil sa insidente, ngunit ayon kay Boise Police Chief Ryan Lee, agad na rumesponde ang mga pulis sa natanggap na ulat na pamamaril sa Boise Towne Square Mall.
Nang dumating ang mga pulis sa naturang lugar ay agad na nakipagpalitan ng putok sa kanila ang suspek.
Ayon pa kay Lee, sugatan ang isa sa kanilang kasamahan ngunit naaresto naman aniya ang suspek.
Hindi na tinukoy ng mga otoridad ang pagkakakilanlan ng suspek at maging ang pagkakakilanlan ng mga biktima.—sa panulat ni Hyacinth Ludivico
