Ikinatuwa ng Malacañang ang positibong pagtanggap ng Association of Southeast Nations sa mungkahi ng Department of National Defense na magtatag ng isang Cyber Security Group upang labanan ang mga organisadong sindikato na gumagamit ng internet sa kanilang operasyon.
Kasunod ito ng pagdalo ni Defense Secretary Voltaire Gazmin sa katatapos na Defense Ministers meeting sa Laos.
Sinabi ni Presidential Communications Secretary Sonny Coloma, nagagalak silang sinusuportahan ng mga kalapit nating bansa ang panukala ng Pilipinas.
Mahalaga aniya na nagkakaisa ang mga bansa para mapatatag ang Cyber Security dahil lumalawak ang mga krimen sa pamamagitan ng digital technology na nakakaapekto sa buhay at kabuhayan ng maraming mamamayan.
Kamakailan lang, nanakaw ang malaking halaga ng salapi sa isang bangko sa Bangladesh ng mga international hacker.
By: Avee Devierte