Bunga ng kathang isip lamang ang plano umanong destabilization sa kasalukuyang administrasyon.
Ito ang naging reaksyon ni Magdalo Representative Gary Alejano sa umano’y iniisip ni Davao City Mayor Sara Duterte Carpio na ilang grupo ang nagpa-planong pabagsakin at patalsikin sa posisyon si Pangulong Rodrigo Duterte.
Dagdag pa ni Alejano dapat aniya na tumatayong magandang modelo ang first family ngunit hindi ito nangyayari.
Samantala, pinabulaanan din ni Senador Bam Aquino ang umano’y destabilization plot sa administrasyon ni Pangulong Duterte.
Paliwanag ng mambabatas, tutol man ang ilan sa polisiyang ipinatutupad ng administrasyon ay hindi pa rin aniya nanaisin ng karamihan na magkagulo ang Pilipinas at ang destabilisasyon ay hindi rin makakabuti para sa lahat.
