Naging emosyonal si Catholic Bishops’ Conference of the Philippines o CBCP President Archbishop Socrates Villegas sa pagbisita nito sa burol ni Cebu Archbishop Emeritus Cardinal Ricardo Vidal sa Cebu Metropolitan Cathedral kagabi.
Sa kaniyang homily, binigyang diin ni Villegas na walang sinumang makakatumbas sa kabaitan at malasakit na ipinamalas ni Vidal hindi lamang sa kanilang mga pari kundi pati na rin sa publiko noong nabubuhay pa ito.
Sinabi ni Villegas na hindi na magiging katulad ng dati ang Simbahang Katolika dahil sa pagpanaw ni Vidal na lahat ng mga pagkikita nila ay memorable lalo na’t tumatak sa kaniyang pagkatao ang mga payo at gabay nito.
—-
