Sinibak ng pamunuan ng Makati PNP ang 6 na station commanders sa syudad.
Ayon kay Makati city PNP Chief Senior Supt. Rommil Mitra, bigong maipatupad ng 6 na station commanders ang kampanya laban sa illegal na droga sa kanilang nasasakupan bukod pa sa mataas pa rin ang street crime.
Ang mga nasibak na opisyal ng Makati Police ay si Chief Insp. Rudy Tallud na nakatalaga bilang station commander ng PCP 1 sa Olimpya.
Kasama rin sina Senior Inspector Bernardo Bacalzo, Chief Inspector Noel de Ocampo, Inspector Rolito Pelayo, Chief Inspector Rommel Resurrection at si Chief Inspector Armando Yu na nakadestino sa iba’t ibang police community precinct ng lungsod ng Makati.
Lahat ng sinibak na station commander ayon kay Mitra ay pansamantalang itinalaga sa Makati Police Headquarters.
By: Len Aguirre / Allan Francisco
