Normal lang umano na magkaroon ng allergic reaction ang mga indibidwal na nakatanggap ng COVID-19 vaccine mula sa Pfizer gaya ng nangyari sa United Kingdom.
Ayon kay Dr. Rontgene Solante, head ng adult infectious disease unit ng San Lazaro Hospital sa Manila, marami sa mga bakuna ang nagpapakita ng ibang epekto ngunit ito naman aniya ay “tolerable at manageable”.
Ani Solante karamihan sa mga ipinapakitang ibang epekto ng mga bakuna ay hindi maituturing na seryoso dahil madali rin aniya itong nawawala.
Binigyang diin ni Solante na kaya mahalaga ang komunikasyon at pagpapakalat ng tamang impormasyon ukol sa mga bakuna ay upang maiwasan ang pagdudulot ng pangamba sa publiko.
