Dapat hinayaan muna ng gobyernong panatilihin sa ilalim ng alert level 3 ang Metro Manila hanggang ikalawang linggo ng Pebrero.
Ito ang inamin ni OCTA Research Fellow, Dr. Guido David sa kabila ng ipinatupad na mas maluwag na alert level 2 sa national capital region at anim na lalawigan, simula ngayong araw hanggang Pebrero 15.
Ayon kay David, hindi naman napakatagal kung maghihintay ng isa o dalawa pang linggo bago tuluyang ibaba sa level 2 ang alert status sa NCR.
Batid naman anya nilang bumabase ang Inter-Agency Task Force (IATF) ng gobyerno sa ibang metrics kumpara sa ginamit noong unang dalawang taon ng COVID-19 pandemic.
Bagaman bahagyang magluluwag, inirekomenda ni David na mag-doble ingat pa rin at sumunod sa minimum public health protocols dahil hindi pa nawawala ang COVID-19.