Dumipensa ang Beep card operator na AF Payments Inc. sa akusasyong pinagkakakitaan nila ang beep cards.
Kasunod ito ng kakulangan ng cards sa mga istasyon sa Metro Rail Transit-Line 3, kung saan may ulat pa na ibinebenta ito sa halagang isandaan walumpu’t walong piso sa online stores ng AF Payments sa mga online shopping platform na Lazada at Shopee.
Malayo ang presyo sa dapat na halaga nito sa mga rail station na nasa isandaang piso at may sitenta’y pisong load.
Ayon sa AF Payments Inc., hindi nila pinagkakakitaan ang kanilang mga cards.
Sa Katunayan, sumailalim na sa subsidiya ang mga cards kung saan aabot sa animnapung milyong piso ang nagastos.
