Aabot sa dalawang sasakyan ang nabagsakan ng malaking puno ng acacia na bumagsak sa New York, Cubao ngayong araw.
Ayon sa driver ng sasakyan na si Mel Alzate, nagulat na lang sila ng kaniyang asawa sa kalabog.
Para makalabas, dumaan na lang ang mga ito sa likod ng sasakyan.
Agad ding nakalabas ang mga tao sa loob ng isa pang sasakyan, na hindi nasaktan sa insidente.
Paliwanag ng mga opisyal ng barangay sa lugar, matanda na ang puno kaya ito bumigay.
Natagalan naman ang pagtanggal sa bumagsak na puno na nakaapekto pansamantala sa daloy ng kuryente at trapiko sa lugar.