Nakaalerto ang Philippine National Police (PNP) kaugnay ng nagpapatuloy na pag-aalburuto ng Bulkang Taal.
Ayon kay PNP Chief P/Gen. Guillermo Eleazar, inatasan na niya ang CALABARZON PNP na tutukan ang sitwasyon at makipag-ugnayan sa mga lokal na pamahalaan para sa paglilikas.
Binigyang diin ng PNP Chief na mahalagang maging handa ang lahat upang matiyak ang buhay at kaligtasan ng bawat isa sa panahon ng sakuna.
Una rito, inilagay na ng PHIVOLCS ang Bulkang Taal sa Alert Level 3 matapos itong magbuga ng maitim at makapal na putik sa bunganga nito.