Nanindigan ang Department of Health na ang panibagong pag-aaral sa Dengvaxia ay pagpapatunay lamang na hindi talaga dapat ibinakuna ito sa mga libu–libong mga batang Pilipino.
Napatunayan sa bagong pag-aaral na ang Dengvaxia ay nakasasama sa mga batang hindi pa nagkasakit ng dengue.
Ayon kay DOH secretary Francisco Duque III, dapat ay pinag-isipag mabuti at naging konserbatibo ang gobyerno sa pagbili nito ng P 3.5 bilyong halaga ng bakuna.
Kaugnay nito, hinamon naman ni House Committee on Public Accountability Chair Johnny Pimentel ang kumpanyang Sanofi Pasteur na aminin nito ang kanilang naging pagkakamali.
Iginiit ni Pimentel na isoli ng Sanofi ng kabuuang halaga ng ibinayad ng gobyerno para sa bakuna o kaya ay maglaan ng indemnity fund para sa mga batang nagkasakit dahil sa naturang bakuna.