Pinatitiyak ni Pangulong Benigno Aquino III na maibabalik sa lalong madaling panahon ang suplay ng kuryente sa lalawigan ng Oriental Mindoro.
Ito’y matapos ang naging pananalasa noong isang linggo ng bagyong Nona na nagpadapa sa nasabing lalawigan.
Maliban dito, pinasisiguro rin ng pangulo na maisasaayos ang lahat ng silid-aralan sa nasabing lalawigan upang magamit agad ng mga magsisipagbalik eskuwela sa susunod na taon.
Ginawa ng pangulo ang pahayag sa kaniyang maikling pagbisita noong Miyerkules kasabay ng kanyang pagpapaabot ng tulong sa mga sinalanta ng bagyo sa lugar.
By Jaymark Dagala
