Patay ang 9 na sibilyan samantalang marami pa ang sugatan sa di umano’y pag-atake ng Abu Sayyaf sa Barangay Tubigan Maluso, Basilan.
Ayon kay Superintendent Christopher Panatan, Hepe ng Basilan PNP Provincial Office, dakong alas-5:00 ng madaling araw nang lusubin ng 30 hanggang 50 Abu Sayyaf ang barangay at nagpa-ulan ng bala.
Nanunog pa di umano ng apat na bahay kabilang ang isang day care center ang mga bandido bago tumakas.
Nagsanib-puwersa na ang militar at pulisya para tugisin ang mga bandido.
By Len Aguirre
