Nilimas ng isang ‘di umano’y scammer ang 76,000 pesos na nalikom na donasyon para sa pagpapagamot ng 63-anyos na street sweeper na na-hit and run sa Parañaque City.
Nagulungan si Doreen Bacus ng isang puting Mitsubishi Pajero sa BF Homes subdivision noong September 24.
Ayon sa awtoridad, nagtulong-tulong ang ilang artista at concerned citizen upang makalikom ng perang pampagamot kay Bacus sa pamamagitan ng G-cash.
Bukod dito, may isa namang nagpakilalang taga-charity na gustong tumulong, subalit na-hack ang laman ng G-cash at nag-zero balance ito.
Nagsasagawa na ng imbestigasyon ang PNP-Anti-cybercrime group sa naturang insidente.—sa panulat ni Jenn Patrolla
