Tinatayang nasa 60,000 pulis at sundalo ang ipapakalat para sa ilalatag na seguridad ng idaraos na ASEAN Leaders Summit sa Nobyembre.
Ayon kay Police Regional Office 3 Chief Superintendent Amador Corpus, walong porsyento ng naturang bilang ang ipapakalat sa Metro Manila para sa kaligtasan ng mga delegado habang 5,000 pulis naman ang idedeploy sa Central Luzon para sa kabuuan ng ASEAN Summit sa Clark.
Maliban dito, may mga ipapadala ring force multipliers na magmumula sa Central Luzon at Manila.
Matatandaang kahapon ay isinagawa ang dry run ng convoy mula Clark, Pampanga patungo sa isang hotel sa Pasay City.
—-
