Umabot na sa anim na indibidwal ang napaulat na nasawi sa masamang panahon dulot ng nararanasang shearline sa ilang rehiyon sa bansa.
Batay sa datos ng National Disaster Risk Reduction and Management (NDRRMC), apat sa napaulat na nasawi ay galing sa Region 10 at dalawa naman mula sa Region 5.
Maliban dito, mayroon ding 19 na napaulat na nawawala at tatlo ang sugatan.
Samantala, sinabi rin ng NDRRMC na 23,762 na pamilya o katumbas ng 100,691 na indibidwal ang naapektuhan ng malakas na pag-ulan sa Region 4B, 5, 8,9 at Region 10.