Bubuksan na simula ngayong araw, ang anim na vaccination sites sa Quezon City.
Para ito sa apat na araw na pagbabakuna kontra COVID-19 sa adult population at menor de edad.
Ayon sa Quezon City LGU, unang bubuksan ngayong araw ang vaccination site sa Kaligayahan Activity Center.
Habang sa Abril 26 bubuksan ang pagbabakuna sa Placido del Mundo Elementary School.
Ang Silvina Covered Court, Don Alejandro Roces at Batasan Hills National High Schools ang bubuksan sa Abril 27.
Huling magbibigay ng COVID-19 vaccine sa Abril 29 ang Philippine Medical Association.
Para makasama sa iskedyul ng pagbabakuna, magparehistro lamang sa QC Vax Easy Plus.
