Naibalik na sa mga may-ari ang anim na sasakyang nabiktima ng rent-tangay scam.
Ang mga nasabing sasakyan, ayon kay Atty. Randy Escolango, SBMA Deputy Administrator for Legal Affairs ay nakita sa isang bodega sa Subic Bay Freeport Zone at ngayo’y hawak na ng National Bureau of Investigation o NBI sa Olongapo City.
Sinabi ni Escolango na iniimbestigahan na nila kung paanong napunta sa Subic ang mga umano’y nakaw na sasakyan.
Nilinaw ni Escolango na ang mga car units ay inilagay sa bodega dahil walang sapat na parking space para sa mga ito matapos i-turn over ni dating Zambales Governor Vicente Magsaysay kay NBI Special Agent Norman Revita noong March 2.
By Judith Larino
