Tinabla ng Malakanyang ang akusasyon ni Davao City Mayor Baste Duterte na sini-single out o tina-target ni Pangulong Ferdinand Marcos Jr. Si dating Pangulong Rodrigo Duterte.
Ayon kay Palace Press Officer Claire Castro, ang dating pangulo lang ang subject ng arrest warrant ng International Criminal Court na idinaan sa Interpol.
Tanong ni Usec. Castro, gusto ba ni Mayor Duterte ang mas marami pang madamay?
Naniniwala ang malakanyang na paraan na naman ito ng mga Duterte upang palabasin sa taumbayan na kawawa sila.
Kaugnay nito, pinaalala ni Usec. Castro na ang kaso ng dating pangulo ay naisampa noon pang panahon ng panunungkulan nito kaya walang kinalaman dito ang administrasyong Marcos. —sa panulat ni John Riz Calata
