Nasa critical level na ang 42 sa 159 na ospital sa National Capital Region sa gitna ng patuloy na paglobo ng COVID-19 cases.
Kabilang sa tinukoy ng Department Of Health ang Pasay City General Hospital na nagbukas na muli ng emergency room matapos ipasara dahil sa pagdagsa ng mga COVID-19 patient.
Sa ngayon ay mayroon na lamang dalawang COVID beds ang nasabing pagamutan pero fully occupied na ang COVID I.CU.
Ayon kay Treatment Czar, Health Undersecretary Leopoldo Vega, hindi lamang sa Metro Manila ang punuan dahil nasa full capacity na rin ang mga nasa probinsya.
Mayroon na anyang ilang taga-labas ng Metro Manila na tumatawag sa one COVID-19 Referral Hospital upang maghanap ng pagamutan sa National Capital Region.—sa panulat ni Drew Nacino
