Bumuo ng “Task Force Ungab” ang Cebu City Police Office na tututok sa kaso ng pagpatay sa abogado ni Kerwin Espinosa na si Atty. Jonah John Ungab.
Ayon kay Police Superintendent Artemio Ricabo, Deputy City Director for Administation ng Cebu, tatlong anggulo ang tinitignan nila ngayon sa kaso ng pagpaslang kay Ungab.
Aniya, posibleng may kinalaman ito sa trabaho, personal grudge at pulitika.
Samantala, pumasok na rin ang National Bureau of Investigation o NBI sa imbestigasyon.
Nabatid na may hearing pa sana si Ungab bukas at sa Biyernes sa Manila RTC kaugnay sa kasong hinaharap ni Kerwin Espinosa.
—-
