Patay ang apat katao habang sugatan naman ang pitong iba pa matapos na magbanggaan ang dalawang sasakyan sa Tarlac- Pangasinan Expressway sa Ramos , Tarlac.
Nakilala ang mga nasawi na sina Ayana Ranya Enrique, Cindy Enrique, Eugenio Roque, at Herminigildo Roque.
Batay sa inisyal na imbestigasyon ng pulisya , nawalan ng kontrol ang driver ng Toyota Innova dahilan para magpaikot – ikot ito at bumangga sa Mitsubishi Montero.
Sa ngayon ay nananatili sa pagamutan ang mga sugatang pasahero.
Patuloy namang iniimbestigahan ng mga otoridad ang dahilan ng nasabing insidente.