Inaasahang makatatanggap ang Pilipinas ng humigit-kumulang apat na milyong 0.3 ml na hiringgilyang gagamitin sa pagbabakuna kontra COVID-19.
Sinabi ni NVOC at Health Undersecretary Myrna Cabotaje, na ang mga darating na hiringgilya ay bahagi ng 44 million syringes na binili ng pamahalaan mula sa United Nations Children’s Fund.
Ang mga 0.3ml syringe ay partikular na ginagamit sa MRNA-type vaccines gaya ng Pfizer at Moderna.
Paliwanag ni Cabotaje, nahuli ang pagdating ng mga nasabing hiringgilya dahil sa naranasang global shortage.
Ito rin aniya ang dahilan kung bakit ibinaba sa 9-million ang target inoculation ng 3-day National Vaccination Drive ng pamahalaan. —sa panulat ni Joana Luna