Nagbabala ang Food and Drug Administration (FDA) sa posibleng panganib na dala ng pagtuturok sa sarili ng bakuna.
Ito’y matapos aminin ni Presidential Security Group (PSG) Head Brig. Gen. Jesus Durante III na mismong ang mga PSG members lang ang nagbakuna sa kanilang sarili.
Ayon kay FDA Dir. Gen. General Eric Domingo, posibleng mayroong hindi magandang mangyari sa ginawa nilang ito.
Giit ni Domingo, hindi basta-basta ang pagbabakuna dahil maging sila at mga medical practitioners ay dumadaan sa maraming beses na training kada partikular na bakuna para matiyak ang kaligtasan at bisa nito.
