Hiniling ng isang senador sa Agriculture Department na unahin muna ang kapakanan ng mga local hog raisers at sugpuin ang banta ng African Swine Fever (ASF).
Ito’y ayon kay Senador Joel Villanueva, matapos na manalasa ang ASF sa mga local hog raisers dahilan para mamatay ang kanilang mga alagang baboy at mangonti ang suplay ng baboy sa merkado.
Mababatid na dahil dito, tumaas din ang presyo ng mga karneng baboy sa pamilihan na nagpaaray sa bulsa ng mga mamimili.
Kung kaya’y ngayong kaliwa’t-kanan na ang problemang pinagdaraanan ng mga local hog raisers mula sa korapsyon at technical smuggling ng baboy giit ni Villanueva na panahon na para magbuhos ng tulong ang pamahalaan sa naturang sektor para sila’y makapag-repopulate.
Paliwanag ni Villanueva, na sa paraang ito hindi mapipilitang magsara ang mga negosyong ito.