Itinalaga ng pamunuan ng MRT-3 ang nasa 120 na mga train marshals para panatilihin ang kaayusan sa mga istasyon ng tren.
Ayon sa pamunuan ng MRT-3, bukod sa pagsisiguro ng kaayusan, ang mga train marshals din ang magsisiguro na masusunod ang mga ipinatutupad na health protocols kontra coronavirus disease 2019 (COVID-19).
Nauna rito, nitong ika-19 ng Oktubre, ay dinagdagan pa ng MRT-3 ang passenger capacity nito.
Ito’y mula sa dating higit sa 150 ng mga pasahero kada train set, na ngayo’y aabot na sa 372 na mga pasahero.
