Apat na kabahayan ang naabo sa bayan ng Bulakan, Bulacan.
Ayon sa Bulakan fire station, nagsimula ang sunog sa ikalawang palapag na bahay ng isang Aika Luciano sa barangay Santa Ines.
Agad kumalat ang apoy sa tatlong katabing bahay ng mga residenteng sina Hermir Arcega, Rolando Luciano at Raymart Arcega.
Malaki naman ang naitulong ng tubig-baha dahil ito ang isinaboy ng mga residente sa mga natupok na bahay.
Tatlong firetruck naman ng BFP ang sumaklolo upang tuluyang maapula ang apoy.
Walang nasaktan habang tinaya sa 60,000 pesos ang halaga ng mga natupok na ari-arian sa sunog na inaalam pa ang dahilan. —sa panulat ni Drew Nacino
