Papalo sa mahigit 300, 000 kabahayan sa Metro Manila at karatig lalawigan ang makakaranas ng hanggang 12 oras na water interruption simula sa susunod na Linggo.
Ayon sa National Water Resources Board o NWRB, kanila nang babawasan ang alokasyon ng tubig na nanggagaling sa Angat dam.
Dahil dito, sa mga sineserbisyuhan ng Maynilad, magsisimula silang makaranas ng water interruption sa Setyembre 8 habang Setyembre 10 naman sa mga customer ng Manila water.
Kabilang sa mga maapektuhan ng water interruption ang 18 percent ng Maynilad customers o mahigit 200,000 kabahayan mula sa Quezon city, North Caloocan, Parañaque, Cavite at Valenzuela.
Habang 9 percent naman ng mga Manila Water customers ang maaapektuhan sa Quezon city, Antipolo, Rodriguez, Taguig, Pasig at Marikina.
By: Ralph Obina