Tatlumpu (30) ang sugatan makaraang mahulog sa bangin ang isang bus sa Calauag, Quezon.
Ayon sa ulat, galing Cubao ang bus sakay ang 42 pasahero at patungo sana sa Placer Masbate nang mahulog ito sa 30 talampakang bangin.
Hinala ng mga pasahero ng bus, nakatulog ang drayber kaya’t nawalan ito ng kontrol sa minamanehong bus.
Agad namang dinala sa pinakamalapit na ospital ang mga sugatang pasahero habang nasa kritikal na kondisyon naman ang drayber ng bus.
Kasalukuyang iniimbestigahan na ng mga otoridad ang tunay na sanhi ng naturang aksidente.
By Ralph Obina
