Ibinasura ng Supreme Court en Banc ang petition for certiorari na inihain ng pamilya ng nasawing Philippine National Police – Special Action Force (PNP-SAF) 44 at Volunteers Against Crime and Corruption (VACC).
Kaugnay ito ng kanilang pagkuwestiyon sa pagbasura naman ng Ombudsman sa kanilang isinampang kasong multiple homicide laban kina dating pangulong Noynoy Aquino, dating PNP chief Allan Purisima at iba pa.
Sa unanimous vote ng mga mahistrado, kanilang iginiit na walang naging pag-abuso ang Ombudsman nang sabihin nitong walang probable cause para kasuhan ng multiple homicide sina Aquino at iba.
Nag-ugat ng kaso sa nangyaring brutal na pagpatay sa 44 na miyembro ng SAF matapos ang kanilang operasyon laban sa teroristang si Marwan sa Mamasapano, Maguindano.
with report from Bert Mozo (Patrol 3)