Patay sa drug buy-bust operations ang tatlong (3) drug suspects matapos na di umano’y manlaban sa mga operatiba ng Navotas PNP.
Ayon sa Navotas police, agad silang nagkasa ng operasyon matapos mapag-alaman na apat (4) na drug pushers ang nag-ooperate sa Agora Market sa Barangay NBBS, Navotas City.
Gayunman, aarestuhin na sana ang mga suspects matapos magpositibo ang transaksyon subalit biglang nagpaputok ang mga ito ng baril.
Agad namang gumanti ng putok ang mga pulis na ikinasawi ng tatlo na kinilala lamang sa pangalang ‘Arabo’, ‘Gurang’ at ‘Kekong’.
Samantala, nakatakas naman ang isa nilang kasama na tinutugis na ngayon ng mga pulis.
