Tatlong bangkay ang natagpuan sa dalampasigan ng Barangay Nonoc, bayan ng Claveria, lalawigan ng Masbate.
Ayon sa Bicol PNP, ipinabatid ni Barangay Nonoc Kagawad Ismael Esparrago na may natagupang mga bangkay sa lugar mag-a-alas 9:00 kaninang umaga.
Sinasabing sakay umano ng bangka ang tatlong biktima na umalis sa Balatan, Camarines Sur at patungo na sanang Alabang Baybay, San Pascual noong Disyembre 26.
Kasalukuyan nang iniimbestigahan ng pulisya ang sanhi ng pagkamatay ng tatlong bangkay habang tinutukoy din ang pagkakakilanlan ng mga ito.
